समाचार

मकवानपुर । पशु सेवा कार्यालय मकवानपुरले चालु आर्थिक वर्षको कार्ययोजना सार्वजनिक गरेको छ । सोमबार कार्यालयमा आयोजित सरोकारवाला निकायहरुको उपस्थितीमा वार्षिक कार्यक्रम सार्वजनिकीकरण गोष्ठीको आयोजना गरेको हो । चालु आर्थिक वर्षमा पशुपन्छी तथा मत्स्य विकासका लागि पशु सेवा कार्यालयले विभिन्न योजनाहरु बनाएको बताइएको छ । जसमा पशुपन्छी तथा मत्स्यजन्य पदार्थ उपभोग प्रवद्र्धन कार्यक्रम, पशु आहारा आत्मानिर्भर कार्यक्रम तथा बंगुर प्रवद्र्धन कार्यक्रमका लागि आवश्यक बजेट विनियोजन गरिएको कार्यालयले जनाएको छ भने बाख्रा पालन प्रवद्र्धन कार्यक्रमका लागि ५ लाख रुपैंया बजेट विनियोजन गरिएको बताइएको छ । कार्यक्रममा उपस्थित सरोकारवाला निकायहरुले कार्यालयले गर्ने कामहरुमा पारदर्शीता र वास्तविक किसान लक्षित हुनपर्ने बताएका थिए ।…

मकवानपुर । हेटौंडामा आयोजित ‘मानव बेचबिखन अन्त्यको लागि विषयगत प्रादेशिक संवाद कार्यक्रम’ सप्पन्न भएको छ । रुरल हेल्थ एन्ड एजुकेसन सर्भिस ट्रष्ट (आर.एच.इ.एस.टी.) काठमाडौँको आयोजना र महिला तथा बालबालिका सरोकार केन्द्र हेटौंडा, चान्स फोर चेन्ज संस्थाको साझेदारीमा कार्यक्रम भएको हो । मानव अधिकारको क्षेत्रमा सरोकारवालाहरुले काम गरिरहेको तर काम गर्न भने त्यति सहज नभएको कार्यक्रमका वक्ताहरूले बताएका थिए । जिल्ला समन्वय समिति मकवानपुरको कार्यालयमा भएको एकदिने कार्यक्रममा हेममाया गुरुङले सहजिकरण गरेकी थिइन् । कार्यक्रममा सामाजिक विकास मन्त्रालयका सामाजिक विकास महाशाखा प्रमुख चन्द्रकुमारी व्यन्जन्कार, हेटौंडा उपमहानगरपालिका कार्यपालिका कार्यालयका सामाजिक विकास महाशाखा प्रमुख भिमप्रसाद तिमल्सिना, राष्ट्रिय मानव अधिकार आयोगका उपसचिव पवनकुमार भट्ट,…

मकवानपुर । मकवानपुरको २ पालिकाबाट ४ जना व्यक्तिहरु लागुऔँषधसहित पक्राउ परेका छन् । मकवानपुरको थाहा नगरपालिका र हेटौँडा उपमहानगरपालिकाबाट २–२ जना गरी ४ जना पक्राउ परेका हुन् । थाहा नगरपालिका वडा नम्बर ३ सिखरकोट बजारबाट अवैध लागूऔषध चरेश जस्तो देखिने पदार्थ ६ किलोग्राम सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा भारत सितामडी–९ बराह बस्ने ४५ वर्षीय सुदिर सिंह र सितामडी–८ बराही चिन्तामन बस्ने ६८ वर्षीया रेनु देवी चौधरी रहेका छन् । इलाका प्रहरी कार्यालय पालुङबाट खटिएको प्रहरीले ना।४ ख ४५६७ नम्बरको बसमा सवार उनीहरूलाई उक्त पदार्थ सहित पक्राउ गरेको हो । यसैगरी हेटौंडा उपमहानगरपालिका–१९ नेवारपानीबाट…

मकवानपुर । बागमती प्रदेशका श्रम, रोजगार तथा यातायात मन्त्री प्रेमभक्त महर्जनले यातायात व्यवस्था कार्यालय तथा ट्रायल सेन्टर भरतपुरको निरीक्षण गरेका छन् । बिहीबार मन्त्री महर्जनले यातायात व्यवस्था कार्यालय तथा ट्रायल सेन्टर भरतपुरको निरीक्षण गरेका हुन् । निरीक्षणका क्रममा मन्त्री महर्जनले यातायात कार्यालयमा आएका जनगुनासो र कार्यालयमा देखिएको समस्याको समाधानमा लागि पर्न निर्देशन समेत दिएका छन् । मन्त्री महर्जनले यातायात व्यवस्था कार्यालयका प्रमुख पदमप्रसाद बजगाईं लगायत कार्यालयमा कार्यरत कर्मचारीहरूलाई नागरिकलाई दिइने सेवामा कुनै कसर बाँकी नराखी सेवा प्रदान गर्न निर्देशन दिएका हुन् । विशेषगरि यातायात क्षेत्रमा जनगुनासोहरू आउने गरेको हुँदा त्यस कुराको अन्त्य हुने गरि काम गर्न मन्त्री महर्जनले सुझाव दिएका…

मकवानपुर । मकवानपुरगढी गाउँपालिकाले गाउँपालिकाका विभिन्न विद्यालयमा अध्ययनरत ४ छात्राहरुलाई ल्यापटप उपहार दिएको छ । गाउँपालिकाको तर्फबाट उक्त विद्यार्थीहरुको अध्ययनलाई सहयोग पुग्ने गरि ल्यापटप वितरण गरिएको गाउँपालिकाकी उपप्रमुख मानकुमारी पाख्रिनले जानकारी दिईन्। गाउँपालिकाले श्री भानु माध्यमिक विद्यालयबाट एसईईमा उत्कृष्ट अंक ल्याएकी खुशी योन्जन र श्री चण्डिका माध्यमिक विद्यालयकी रस्मिता बिकलाई ल्यापटप प्रदान गरेको हो । त्यस्तै कक्षा १२ को परिक्षामा उत्कृष्ट अंक ल्याएका श्री शारदा माध्यमिक विद्यालयकी तिर्थमाया गोले र शारदा माविकै सन्ध्या बिकलाई पनि ल्यापटप उपहार दिइएको छ । गाउँपालिकाले दलित तथा जनजाति प्रोत्साहन लक्षित कार्यक्रमअन्तर्गत उक्त ल्यापटप वितरण गरेको हो ।

मकवानपुर । हेटौंडा उपमहानगरपालिका वडा नम्बर १३ पदमपोखरीमा रहेको महेन्द्र माध्यमिक विद्यालयका विद्यार्थीहरुलाई सम्मान, स्वागत तथा बिदाई गरिएको छ । विद्यालयले सम्मान, स्वागत तथा बिदाई कार्यक्रमको आयोजना गरेको हो । वि.सं. २०८० को एसईई तथा १० जोड २ परिक्षामा उत्कृष्ट अंकसहित उतिर्ण भएका विद्यार्थीहरुलाई स्वागत तथा बिदाई कार्यक्रम गरिएको हो । बुधबार विद्यालय परिसरमा आयोजित कार्यक्रममा हेटौंडा उपमहानगरपालिकाकी नगर प्रमुख मीनाकुमारी लामाले विद्यार्थीहरुलाई सम्मान गरेकी थिईन् । हेटौँडा १३ का वडा अध्यक्ष पेम्बा लामाको समेत आतिथ्यता रहेको कार्यक्रममा नेकपा एकिकृत समाजवादी हेटौँडा नगर अध्यक्ष विष्णुमाया लामाका साथमा अन्य सामाजिक व्यक्तित्वहरुको आतिथ्यता रहेको थियो ।

मकवानपुर । हेटौँडामा कम्पनी दर्ता गरेर उद्देश्य अनुरूप कार्य नगरेको आरोप लगाउँदै मकवानपुर प्रहरीले ९ जना भारतीयलाई पक्राउ गरेर आज पत्रकार सम्मेलन गरेर सार्वजनिक गरेको छ । हेटौंडा उपमहानगरपालिका वडा नम्बर ४ पारिजात पथमा मेडी असिस्ट कम्पनीको कार्यालय स्थापना गरी अवैध कार्य गरेको आरोपमा उनीहरूलाई बुधबार पक्राउ गरिएको हो । पक्राउ पर्नेमा भारत पटना थाना आलमगन्जका ५७ वर्षीय नवनित कुमार, झारखण्डका २७ वर्षीय शाहरूख खान, विहारका २९ वर्षीय कुन्दन कुमार, उत्तराखण्डको नैनितालका २६ वर्षीय आशिष कब्डौला, राँची, झारखण्डका ३४ वर्षीय विशाल कक्कड, कुमार दुवे, विकासकुमार सिंह र नांगलोड वेस्टी देल्हीका अरुण कुमार, वैशाली गाजियावाद उत्तर प्रदेशका ४० वर्षीय कुनाल शर्मा…

मकवानपुर । अखिल नेपाल औद्योगिक मजदुर संघ हेटौंडा सिमेन्ट उद्योग लिमिटेडको चैत १७ गते सम्पन्न अधिवेशनबाट नव निर्वाचित पदाधिकारीहरुलाई आज प्रमाण पत्र वितरण गरिएको छ । १७ कार्य समिति र २ सल्लाहकारलाई आज एक कार्यक्रमको आयोजना गरी प्रमाणपत्र वितरण गरिएको हो । कार्यक्रमका प्रमुख अतिथि नेकपा माओवादी केन्द्र केन्द्रीय सदस्य एवम बागमती प्रदेश सासंद कुमारी मोक्तानले अहिले मुलुकको ठूलो समस्या देशमा उद्योगको विकासको कमी भएको बताईन् । लोकतन्त्र स्थापनापछिको लामो समय हुँदा पनि राजनीतिक अस्थिरताका कारण देशमा उद्योग व्यापारको विकास हुन नपाएको उनले बताईन् । मुलुकलाई औद्योगिकीकरण गर्ने नाराले मात्र विकास सम्भव नभएको बताउँदै उनले उद्योग दिर्घकालिन रुपमा संचालन गर्नुपर्नेमा…

मकवानपुर । हेटौंडास्थित हेटौंडा सिटी कलेजले कानून संकायतर्फ शतप्रतिशत नतिजा प्राप्त गरेपछि सोमबार खुशीयाली मनाउन र्‍याली निकालेको छ । हालै सार्वजनिक कक्षा १२ को परीक्षाफल अनुसार कलेजले कानून संकायतर्फ कक्षा १२ मा जिल्ला प्रथमसहित शतप्रतिशत नतिजा प्राप्त गरेको हो । कलेजका प्रशासन तथा आइटी विभागका प्रमुख सुमन्त सिलवालका अनुसार कानुन संकाय अन्तर्गत १० जना विद्यार्थी कक्षा १२ को परीक्षामा सहभागी भएकोमा सबैजना उत्तीर्ण भएका छन् । कलेजकी मधुमिता यादवले सबैभन्दा बढी ३.६६ जीपीए हासिल गरेको सिलवालले बताए । कलेजले ३ वर्षदेखि अङ्ग्रेजी माध्यमबाट कानून संकायको अध्यापन गराउँदै आइरहेको छ । सोमबार बिहान कलेज सञ्चालक समितिका अध्यक्ष रमिता पाण्डे, कलेजका प्राचार्य…