समाचार

हेटौँडा । जन्मदिनको अवसरलाई सामाजिक उत्तरदायित्वसँग जोड्दै एक युवतीले बहिरा तथा सुस्त श्रवण भएका बालबालिकाको पठनपाठन र मनोरञ्जनका लागि टेलिभिजन सहयोग गर्नुभएको छ । हेटौँडा–६ मा रहेको आवासीय विद्यालयमा अध्ययनरत बहिरा विद्यार्थीहरूको शैक्षिक सामग्री अवलोकन, संकेत भाषामा आधारित कार्यक्रम तथा जानकारीमूलक भिडियो हेर्न सहज होस् भन्ने उद्देश्यले ३२ इन्चको स्मार्ट टेलिभिजन उपलब्ध गराइएको हो । विद्यालयका अनुसार टेलिभिजन हस्तान्तरण कार्यक्रममा बाल क्लबका प्रतिनिधि तथा विद्यालय प्रशासनको उपस्थिति रहेको थियो । सहयोग सामग्री अभिभावकमार्फत विद्यालयलाई प्रदान गरिएको जनाइएको छ । आवासीय रूपमा बस्दै आएका विद्यार्थीहरूका लागि यस्तो प्रविधियुक्त सामग्रीले सिकाइ प्रक्रियालाई थप प्रभावकारी बनाउने विश्वास विद्यालयले व्यक्त गरेको छ । साथै,…

हेटौंडा । आउँदो फागुन २१ गते हुने प्रतिनिधि सभा निर्वाचनका लागि मकवानपुर–१ मा उम्मेदवारी दिएका एक उम्मेदवारले मतदाताको राय संकलन गर्न क्यूआर कोड सार्वजनिक गरेका छन्। प्रगतिशील लोकतान्त्रिक पार्टी (प्रलोपा) बाट उम्मेदवार बनेका तेजप्रसाद उप्रेती (रमेश) ले सामाजिक सञ्जालमार्फत क्यूआर कोड सार्वजनिक गर्दै मतदाताबाट सुझाव, प्रतिक्रिया र प्राथमिकताका विषय संकलन गर्ने उद्देश्य राखिएको बताएका छन्। उक्त क्यूआर कोड मोबाइलमार्फत स्क्यान गरेपछि मतदाताले आफ्ना राय र सन्देशहरू प्रत्यक्ष रूपमा पठाउन सक्ने व्यवस्था गरिएको छ। ‘उन्नत विकाससहितको विकल्प’ भन्ने मूल नारासहित चुनावी प्रतिस्पर्धामा उत्रिएका उप्रेतीले मतदाताबाट प्राप्त रायलाई आफ्नो चुनावी एजेन्डा तय गर्ने आधार बनाइने जनाएका छन्। प्राप्त सुझावका आधारमा निर्वाचन क्षेत्रमा…

हेटौंडा । आउँदो फागुन २१ गते हुने प्रतिनिधि सभा निर्वाचनका लागि मकवानपुर–२ मा उम्मेदवारी दिएका नेकपा एमालेका महेश बर्तौलाले सोमबार बिहान हेटौंडाबाट आफ्नो चुनावी गतिविधि सुरु गरेका छन्। हेटौंडा उपमहानगरपालिका–३, बसामाडीस्थित जम्बु चौतारीमा बस्दै आएकी १०४ वर्षीया कालिमाया मोक्तानबाट आशिर्वाद ग्रहण गर्दै उनले अभियानको सुरुवात गरेका हुन्। राक्सिराङ गाउँपालिका स्थायी घर भएकी मोक्तान परिवारसहित अस्थायी रूपमा बसामाडीमा बस्दै आएकी छन्। सो अवसरमा मोक्तानले टीका, माला र खादा लगाइदिँदै शुभकामना दिएकी थिइन्। कार्यक्रममा बोल्दै बर्तौलाले अघिल्लो कार्यकालमा सुरु भएका केही योजनाहरू संसद विघटनका कारण पूरा हुन नसकेको उल्लेख गर्दै ती योजनालाई अघि बढाउन पुनः अवसर दिन मतदातासँग आग्रह गरे। त्यस अवसरमा…

हेटौंडा । क्युवानिज इन्टरनेशनल, क्युवानिज क्लब अफ हेटौंडा नेपाल तथा हेटौंडा मोडेल अस्पताल प्रा.लि.को संयुक्त प्रायोजनमा हेटौंडा उपमहानगरपालिका–१९ अन्तर्गतको विकट गाउँ लेकपानीस्थित जीवनज्योति आधारभूत विद्यालयका विद्यार्थीहरूलाई दिवा खानाका लागि खाद्यान्न सहयोग गरिएको छ। विद्यार्थीहरू भोककै कारण पठनपाठनबाट वञ्चित हुन नपरोस् भन्ने उद्देश्यले उक्त संस्थाहरूले विगत दुई वर्षदेखि निरन्तर रूपमा खाद्यान्न, विद्यालय पोशाक तथा विद्यालय ब्याग सहयोग गर्दै आएको क्युवानिज क्लबका प्रतिनिधि कमलचन्द्र सुमनले जानकारी दिए। उनका अनुसार अति विकट क्षेत्र र विपन्न परिवारका बालबालिका गरिबीका कारण भोकै विद्यालय आउन बाध्य छन्। धेरै विद्यार्थीका अभिभावकहरू जीविकोपार्जनका लागि वैदेशिक रोजगारीमा गएकाले घरमा वृद्ध हजुरबुबा–हजुरआमाको संरक्षणमा बालबालिका हुर्किरहेका छन्। यस्तो अवस्थाका कारण बालबालिकाको…

हेटौंडा । राष्ट्रिय सभा सदस्य निर्वाचन अन्तर्गत बागमती प्रदेशबाट हुने निर्वाचनमा एमाले–कांग्रेस गठबन्धनले दुवै सिट हात पारेको छ। महिला र अन्य क्लस्टर दुवैमा गठबन्धनका उम्मेदवार विजयी भएसँगै प्रदेशमा गठबन्धनको प्रभाव बलियो देखिएको छ। महिला क्लस्टरतर्फ नेपाली कांग्रेसकी गिता देवकोटा निर्वाचित हुनुभएको छ। उहाँले कुल ६ हजार २३९ मत प्राप्त गर्नुभयो। देवकोटाले प्रदेश सभा सदस्यबाट ६० र स्थानीय तहका प्रतिनिधिबाट १६१ मत पाउनुभएको निर्वाचन कार्यालयले जनाएको छ। उहाँका मुख्य प्रतिस्पर्धी नेकपाकी सरोजकुमारी झा २ हजार ५२२ मतमै सीमित रहनुभयो। झाले प्रदेश सभाबाट २५ र स्थानीय तहबाट ६३ मत प्राप्त गर्नुभयो। सोही क्लस्टरमा उम्मेदवार रहेकी नेमकिपाकी कविता महर्जनले १९७ मत ल्याउनुभयो। निर्वाचन…

हेटौंडा । सिविन बाल हेल्पलाइन हेटौंडाले हेटौंडा–११ निवासी बालक इबित सार्कीका अभिभावकलाई जुत्ता सिलाइसम्बन्धी सामग्री सहयोग गरेको छ। सिविन हेटौंडाको सहयोगमा इबितका पिता सन्तबहादुर सार्कीलाई करिब ३० हजार रुपैयाँ बराबरको जुत्ता निर्माण सामग्री प्रदान गरिएको हो। हेटौंडा–११ स्थित शंकर ज्योति माध्यमिक विद्यालयमा कक्षा ३ मा अध्ययनरत १२ वर्षीय इबितका पिता सन्तबहादुर सार्की जुत्ता सिलाइसम्बन्धी पेशामा संलग्न छन्। उक्त सामग्री हेटौंडा–११ वडा कार्यालयमा आयोजित कार्यक्रममा वडाध्यक्ष जुना दाहालको हातबाट वितरण गरिएको सिविन बाल हेल्पलाइन हेटौंडाका प्रमुख झविन्द्र ज्ञवालीले जानकारी दिए। अतिविपन्न परिवारका बालबालिकाको अध्ययन निरन्तरता र अभिभावकको आयआर्जनमा सहयोग पुर्‍याउने उद्देश्यले सामग्री वितरण गरिएको सिविन बाल हेल्पलाइनकी सामाजिक परिचालिका पलिना अर्यालले…

हेटौंडा । राष्ट्रिय भुमी अधिकार मंच नेपाल बकैया गाउपालिका भेला शनिबार सम्पन्न भएको छ । मकवानपुरको बकैया ३ नम्बर वडा हात्तीसुडेमा भएको भेलाले बृहत रुपमा गाउँपालिका भेला गर्ने भएको छ । मंचका जिल्ला कमिटी सदस्य भुवन सिं घलानको सभाध्यक्षतामा भएको भेलाले तदर्थ समिति गठन गरेको छ । भेलाले भेषबहादुर घलेको संयोजकत्वमा ९ सदस्यीय कार्यसमिति चयन गरेको छ । कमिटी सदस्यमा इन्द्रबहादुर स्याङ्तान, जगतमान गोले, कृष्णप्रसाद घिमिरे, धनकुमार थोकर, प्रेमप्रसाद घिमिरे, विशाल वाइबा, सुनिता बि. क., चित्र कुमारी स्याङ्तान चयन भएका छन् । मंचका केन्द्रिय सदस्य यज्ञबहादुर श्रेष्ठको प्रमुख आतिथ्यतामा भएको कार्यक्रममा मकवानपुर जिल्ला मंच अध्यक्ष देवकृष्ण थोकर, कोषाध्यक्ष ठुलीमाया मुक्तान,…