सबै समाचार

मकवानपुर । बागमती प्रदेशका प्रदेश प्रमुख दिपक प्रसाद देवकोटाले हेटौंडाका संचारकर्मीहरुसँग आइतबार आनौपचारिक भेटघाट गरेका छन् । प्रदेश प्रमुखको कार्यालय हेटौंडाको सभाहलमा उनले पत्रकारहरुसँग भेटी परिचय आदानप्रदान गरेका हुन् । राजनीति विषयवस्तुको कुराकानी भन्दा पनि चिनाजानी गर्ने र हेटौंडामा आफू नयाँ भएकोले यहाँका सबल पक्ष, सुधारका पक्ष बारे जान्ने मनसायले भेटघाट कार्यक्रम राखिएको प्रमुख देवकोटाको भनाइ थियोे । राजनैतिक विषयमा त्यति बोल्न नचाहेका देवकोटाले पत्रकारहरुबाट प्राप्त रचनात्मक सल्लाह, सुझावको अपेक्षा राख्दै त्यसलाई मार्ग निर्देशनको रुपमा ग्रहण गरेर अघि बढ्ने बताए । कार्यक्रममा प्रदेश प्रमुख कार्यालयका कार्यालय सचिव, प्रमुखका प्रमुख स्वकीय सचिव, प्रेस संयोजक लगायत पत्रकारहरुको उपस्थिति रहेको थियोे ।

मकवानपुर । नेपाली हिन्दु महिलाहरुको पर्व हरितालिका तिज भड्किलो भएकोमा एकीकृत समाजवादीका नेताहरुले चिन्ता व्यक्त गरेका छन् । अखिल नेपाल महिला संघ जिल्ला तथा नगर कमिटीको संयुक्त आयोजनामा हेटौंडामा गरिएको तिज शुभकामना आदानप्रदान कार्यक्रममा बोल्दै नेताहरूले यस्तो चिन्ता व्यक्त गरेका हुन् । अरुको देखासिखी गर्ने, अश्लिल गितहरुमा नाच्ने, अर्धनग्न हुनेगरी पोशाक लगाउने, अचाक्ली मदिरा सेवन गर्ने जस्ता गतिविधिले गर्दा तिजको गरिमा गिराएको भन्दै नेताहरुले चिन्ता व्यक्त गरेका छन् । कार्यक्रममा बोल्दै कार्यक्रमकी प्रमुख अतिथी हेटौंडा उपमहानगरपालिकाकी नगर प्रमुख मिनाकुमारी लामाले तिज दिदीबहिनीहरुको दुःखसुख , मनको बह पोख्ने पर्व भएको बताउँदै यसलाई भड्किलो बनाउन नहुने बताउनुभयो । तिजको शुभकामना दिँदै उहाँले…

मकवानपुर । हेटौंडा उपमहानगरपालिका वडा नम्बर १६ मा महिला हिंसा विरुद्ध सचेतनामुलक तिज विशेष कार्यक्रम सम्पन्न भएको छ । महिला जागरण समुहले हरीतालिका तिजको पुर्व सन्ध्यामा कार्यक्रम आयोजना गरेको हो । कार्यक्रममा हेटौँडा उपमहानगरपालिकाकी नगर प्रमुख मीनाकुमारी लामाको प्रमुख आतिथ्यता रहेको थियो । कार्यक्रममा हेटौँडा उपमहानगरपालिकाका उपप्रमुख राजेश बानिया र वडा अध्यक्ष रामकृष्ण कोईराला लगायतको आतिथ्यता रहेको थियो ।

मकवानपुर । बागमती प्रदेशको श्रम रोजगार तथा यातायात मन्त्री प्रेमभक्त महर्जन र सोही मन्त्रालयका सचिव बलराम निरौला बीच कार्यसम्पादन सम्झौता भएको छ । बुधबार मन्त्रालयमा मन्त्री महर्जन र सचिव निरौला बीचमा बागमती प्रदेश सरकार (कार्यविभाजन) नियमावली, २०८० अनुसार कार्यसम्पादन सम्झौता गरिएको हो । मन्त्रालयको कार्यक्षेत्रको आधारमा चालु आर्थिक बर्ष २०८१–०८२ को बार्षीक स्वीकृत कार्यक्रमहरुको कार्यसम्पादन थप प्रभावकारी, नतिजामुलक तथा नागरिकमैत्री बनाउन प्रदेश सुशासन ऐन, २०७७ को दफा १९ र नियमावलि, २०७७ को नियम ९९१० बमोजिम करार सम्झौता गरिएको मन्त्री महर्जनले जानकारी दिए । उनका अनुसार मन्त्रालयबाट हुने कामहरुलाई पारदर्शी र नतिजामुखी बनाउने उदेश्यका साथ कार्यसम्पादन करार सम्झौता गरिएको हो ।…

हेटौंडा । बागमती प्रदेशमा सवारी कर तथा नविकरण, दस्तुर संकलन तथा व्यवस्थापन सम्बन्धि अन्तरक्रिया कार्यक्रम सम्पन्न भएको छ । श्रम रोजगार तथा यातायात मन्त्रालयको आयोजनामा मंगलबार हेटौंडामा आयोजित कार्यक्रममा सवारी कर तथा नविकरण, दस्तुर संकलन व्यस्थापनका बिषयमा अन्तरक्रिया गरिएको हो । बागमती प्रदेशका श्रम रोजगार तथा यातायात मन्त्री प्रेमभक्त महर्जनको सभाध्यक्षतामा भएको कार्यक्रममा प्रदेशका आर्थिक मामिला तथा योजना मन्त्री कुन्दनराज काफ्लेको प्रमुख आतिथ्यता रहेको थियो । कार्यक्रममा बागमती प्रदेशमा चालु आर्थिक बर्षको लागि जारी आर्थिक ऐनमा यातायात क्षेत्रसँग सम्बन्धित कर संकलनको व्यवस्थाको कार्यान्वयनमा प्रशासनिक सुधार, प्रभावकारीता तथा सेवा प्रवाहका सम्बन्धमा गर्न सकिने सुधारका विषयमा छलफल भएको थियो । श्रम रोजगार…