सबै समाचार

मकवानपुर । हेटौँडा उपमहानगरपालिका वडा नम्बर १३ स्थित पदमपोखरी बहुमुखी क्याम्पसको प्रमुखमा पदमपोखरी निवासी बगानसिंह थिङ चयन हुनुभएको छ । क्याम्पसले हिजो एक सूचना प्रकाशित गर्दै प्रमुखमा थिङ चयन भएको जानकारी दिएको हो । क्याम्पसको सेवा समितिद्वारा दिइएको जानकारी अनुसार पुस ९ गते लिईको अन्तरवार्ताबाट थिङलाई क्याम्पस प्रमुखमा नियुक्ति गरिएको हो । वैकल्पिक उम्मेदवारमा भने नवराज वाईबाको नाम सिफारिश गरिएको छ । थिङलाई मंसिर ३० गते प्रकाशित सूचना अनुसार खुल्ला प्रतियोगिता मार्फत पदपुर्ति गर्ने योजना अनुसार प्राप्त आवेदनहरुबाट अन्तरवार्ता लिई छनौट गरिएको हो । लामो समयदेखि हेटौँडामा शिक्षा क्षेत्र तथा सामाजिक कार्यमा सक्रिय रहेका थिङ क्याम्पसमा प्रमुखका रुपमा छानिएसँगै स्थानीयहरुले…

मकवानपुर । हेटौंडामा सवारी दुर्घटना हुँदा एकजनाको मृत्यु भएको छ । हेटौंडा उपमहानगरपालिका–१ तिरतिरे धारास्थित हेटौंडा–भैसे सडक खण्डमा सोमबार साँझ भएको सवारी दुर्घटनामा एकजनाको मृत्यु भएको छ भने अर्का घाइते भएको मकवानपुर प्रहरीले जनाएको छ । भैँसेबाट हेटौंडा जाँदै गरेको बाप्र०३-००२प ७२६७ नम्बरको स्कुटरलाई हेटौंडाबाट काठमाडौंतर्फ जाँदै गरेको बीआर ०५ बीए ०००६ नम्बरको भारतीय कारले ठक्कर दिँदा स्कुटर चालक, हेटौंडा–१ चौकीटोल निवासी अन्दाजी ३०/३५ वर्षीय युवराज लामाको मृत्यु भएको हो । शरीरका विभिन्न भागमा गम्भीर चोट लागेर घाइते भएका उनलाई उपचारका लागि तुरुन्तै हेटौंडा अस्पताल लगिएकोमा उपचारकै क्रममा साँझ ७ः२५ बजे चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी…

मकवानपुर । बागमती प्रदेश युवा तथा खेलकुद मन्त्रालयको आयोजनामा मन्त्रालय र मातहतका निकायहरुको आर्थिक वर्ष २०८१÷०८२ को प्रथम त्रैमासिक अवधिको प्रगति समीक्षा बैठक भएको छ । बैठकलाई सम्बोधन गर्दै युवा तथा खेलकुद मन्त्री मीनकृष्ण महर्जनले आफु मन्त्री नियुक्त हुँदा बजेट बनिसकेको र सो बजेट निकै न्यून भएका कारण युवा वर्ग र खेलकुद जगतको लागि अपेक्षाकृत काम गर्न कठिनाई भइरहेको उल्लेख गरे । उनले भने, ‘मैले चाहेको भए अन्य विकासे मन्त्रालय पनि लिन सक्थेँ । तर, म खेल क्षेत्रबाट आएको मानिस युवा र खेलाडीको भावना बुझ्न सक्छु, । खेलकुद मन्त्रालय कसरी चलाउने भन्ने विषयमा मलाई राम्रो ज्ञान छ । तर, म…

मकवानपुर । हेटौंडा–१, पानसुके चोकमा ख्रीष्टमसलक्षित शुभकामना तथा क्यारोल कार्यक्रम भएको छ । हेटौंडा ख्रीष्टियन चर्चका डिकन विकास सुनारको आयोजनामा पानसुके चोकमा ख्रीष्टमस शुभकामना तथा क्यारोल कार्यक्रम भएको हो । कार्यक्रममा ख्रीष्टमससम्बन्धि विभिन्न भजनहरु गाउँदै ख्रीष्टमसको शुभकामना आदानप्रदान गरिएको थियो । केही युवाले ख्रीष्टमस सम्बन्धि विभिन्न गीत गाउँदै नाचगान गरी रमाइलो गरेका थिए । शुभकामना आदानप्रदान कार्यक्रममा ख्रीष्टियन र अन्य धर्मका व्यक्तिको उपस्थिति थियो । कार्यक्रममा हटिया ख्रीष्टियन चर्चका पास्टर दिलिप थापा, हेटौंडा ख्रीष्टियन चर्चका एल्डर पवन न्यौपाने, रमेश मैनालीलगायत विभिन्न चर्चका अग्रज व्यक्तिहरुको उपस्थिति थियो । हेटौंडा उपमहानगरपालिकाकी मेयर मीनाकुमारी लामाले ख्रीष्टमसको शुभकामना दिँदै ख्रीष्टियनहरुको महान चाड ख्रीष्टमस सभ्यढंगले…

मकवानपुर । हेटौंडा उपमहानगरपालिकाको १६ औं नगर परिषद सभा शुक्रबार सम्पन्न भएको छ । सभामा नगर उपप्रमुख राजेश बानियाले चालु आर्थिक वर्ष २०८१–०८२ मा हालसम्म भएका प्रगतीको समिक्षा एवम् संसोधित कार्यक्रम प्रस्तुत गरेका थिए । सभा उपमहानगरका नगर प्रमुख मीनाकुमारी लामाको अध्यक्षतामा भएको हो । चालु आर्थिक वर्षमा उपमहानगरले प्रस्तुत गरेको २ अर्ब ५२ करोड रुपियाँ बजेट मध्ये अहिलेसम्म १९ करोड ९७ लाख भन्दा बढि रकम थप्नु पर्ने सभामा जानकारी गराइएको थियो । सभाले विभिन्न विद्येयकहरु सर्वसम्मत पास गरेको थियो ।

मकवानपुर । हेटौँडा उपमहानगरपालिका वडा नम्बर १ चाईना क्वाटरमा करिब ३० लाख लागतमा सामुदायिक भवन बन्ने भएको छ । भवनको बिहीबार हेटौँडा उपमहानगरपालिकाकी प्रमुख मीनाकुमारी लामाले शिलान्यास गरेकी छिन् । सामुदायिक भवन निर्माण उपभोक्ता समितिका अध्यक्ष सुदर्शन पौडेलको अध्यक्षतामा सम्पन्न शिलान्यास कार्यक्रममा मेयर लामाको प्रमुख आतिथ्यता र वडा नम्बर १ का वडाअध्यक्ष सविन न्यौपानेको विशेष आतिथ्यता रहेको थियो । भवन हेटौँडा उपमहानगरपालिकाको सहयोगमा बन्न लागेको हो । कार्यक्रममा वडा सदस्यहरु रामकृष्ण अधिकारी र मनु दहालसँगै उत्तम शर्मा न्यौपाने, सुरेन्द्र ढुंगाना, मुना लामा, सिताराम तामाङ लगायतका विभिन्न सामाजिक व्यक्तित्व तथा स्थानीयहरुको उपस्थिति रहेको थियो ।

मकवानपुर । हेटौंडामा ४ दिने सडक खाना महोत्सव हुने भएको छ । मकवानपुर होटल एशोसिएसनले “सडकमा जाऔं,सडकमा खाऔं, सडकमै रमाऔं” भन्ने मूल नाराका साथ ४ दिने सडक खाना महोत्सवको आयोजना गर्ने लागेको हो । हेटौंडा–४ स्थित हुप्रचौरको पूर्व तर्फको सडकमा पुस १३ गते देखि १६ गतेसम्म सडक खाना महोत्सव हुने जनाइएको छ । अंग्रेजी नयाँ वर्षको अवसर पारेर आयोजना गर्न लागिएको महोत्सवमा खानाका पारखीहरुलाई पौराणिकदेखि आधुनिक परिकारको स्वाद चखाउने र स्थानीय कलाकारहरुको साँस्कृतिक नृत्य, गायनद्वारा मनोरञ्जन दिने मुख्य उदेश्य रहेको अध्यक्ष दिलिस गोविन्द जोशीले बताए । करिब ४० वटा स्टलहरु राखिने महोत्सवमा सुरक्षा निकाय र आवश्यक स्वयमसेवक परिचालन, सुरक्षाको व्यवस्थापन,…