सबै समाचार

हेटौँडा । बागमती प्रदेश सरकारले अपाङ्गता क्षेत्रको बजेट कटौती गरेको भन्दै अधिकारकर्मीहरू आन्दोलित भएका छन्। सोमबार मन्त्रालय प्रवेश गर्न खोज्दा प्रहरीले रोकेपछि आन्दोलनकारीले सामाजिक विकास मन्त्रालय अगाडि धर्ना दिएका छन्। आन्दोलन परिचालन समितिका संयोजक अश्विन लम्सालले शान्तिपूर्ण धर्ना दिन खोज्दा प्रहरीले हस्तक्षेप गरेको र दृष्टिविहीनहरूको सेतो छडीसमेत खोस्न खोजेको भन्दै आपत्ति जनाउनुभएको छ। प्रहरीको व्यवहारले सहभागीहरू मानसिक रूपमा पीडित भएको भन्दै उनले माग पूरा नभएसम्म आन्दोलन नरोकिने चेतावनी दिनुभयो। सामाजिक विकास मन्त्रालयका सचिव खुबीराम अधिकारीले बजेट पूर्ण रूपमा नहटाएको र आवश्यक परे रकमान्तरमार्फत कार्यक्रम सञ्चालन गर्ने आश्वासन दिनुभयो। तर, अधिकारकर्मीहरूले लिखित प्रतिबद्धता र बजेटको सुनिश्चिता नभएसम्म आन्दोलन जारी रहने अडान…

हेटौँडा । हेटौँडा उपमहानगरपालिकामा स्याउको व्यावसायिक उत्पादन सुरु भएको छ। वडा नम्बर १५ स्थित सानोसुकौलीमा युवा उद्यमीहरूले ‘स्यामा बाटिका एकीकृत कृषि तथा पशुपन्छी फर्म’ स्थापना गरी स्याउखेतीको थालनी गरेका हुन्। फर्मको निरीक्षणपश्चात् हेटौँडा उपमहानगरपालिकाकी नगर प्रमुख मीनाकुमारी लामाले युवाहरूको यस प्रयासप्रति खुसी व्यक्त गर्नुभएको छ। उहाँले युवा कृषकहरूको कर्मको प्रशंसा गर्दै उनीहरूलाई बधाई दिनुभएको छ। हेटौँडाको हावापानीमा स्याउको व्यावसायिक खेतीले कृषि उद्यमशीलतामा नयाँ आयाम थप्ने अपेक्षा गरिएको छ।

हेटौँडा । बागमती प्रदेशसभाकी उपसभामुख अप्सरा चापागाईंले प्रदेशसभाका कामकारबाहीलाई थप प्रभावकारी, तथ्यपरक र निष्पक्ष रूपमा आम नागरिकसमक्ष पुर्‍याउन सञ्चारमाध्यमको भूमिका अझ सशक्त हुनुपर्नेमा जोड दिनुभएको छ। बागमती प्रदेशसभा सचिवालयले संसदीय पत्रकारहरूसँग आइतबार आयोजना गरेको अन्तरक्रिया तथा छलफल कार्यक्रममा बोल्दै उपसभामुख चापागाईंले यस्तो बताउनुभएको हो। उपसभामुख चापागाईंले संसदीय पत्रकारहरूले प्रदेशसभाका गतिविधिहरूलाई जिम्मेवार र इमानदार ढङ्गले सम्प्रेषण गरिरहेको भन्दै प्रशंसा गर्नुभयो। उहाँले पत्रकारिता पेसा आफैँमा चुनौतीपूर्ण र जोखिमपूर्ण रहेको उल्लेख गर्दै सत्यतथ्य समाचार सम्प्रेषणमा पत्रकारहरूको भूमिका महत्त्वपूर्ण हुने बताउनुभयो। साथै, संसदीय पत्रकारितामा व्यावसायिक सुधार र गुणस्तर अभिवृद्धिको आवश्यकता औँल्याउँदै प्रदेशसभा र सञ्चारमाध्यमबीचको सहकार्यलाई अझ सुदृढ बनाउनुपर्ने उहाँको धारणा थियो। बागमती प्रदेशलाई संघीय…