मकवानपुर । हेटौँडा उपमहानगरपालिका वडा नम्बर १० सिसौघारीस्थित भुटन देवी सामुदायिक वन उपभोक्ता समुहको २२औं साधारण सभा तथा अधिवेशनबाट गठित नयाँ कार्यसमितिको सपथ ग्रहण सम्पन्न भएको छ ।
नयाँ कार्य समितिका अध्यक्ष सोमबहादुर लामा, उपाध्यक्ष सुरेश कुमार लामा, सचिव अञ्जु कुमारी तितुङ, सहसचिव इन्दिरा लामा, कोषाध्यक्ष उमा सुनार तथा सदस्यहरु दुर्गाबहादुर लामा, चन्द्रदेवी विक, यमुना सुनार, ध्रुवबहादुर हाडा, गीतादेवी यादव र सान्तकी खड्गीले सपथ ग्रहण गरेका हुन् ।
निर्वाचन समितिका संयोजक रामहरि चौलागाईंको सभाध्य्क्षमा संपन्न सपथ ग्रहण तथा प्रमाणपत्र वितरण कार्यक्रममा हेटौँडा उपमहानगरपालिका वडा नम्बर १० का वडाअध्यक्ष फुर्वा दोर्जे तामाङको प्रमुख आतिथ्यता रहेको थियो । कार्यक्रममा डिभिजन वन कार्यलय हेटौंडाका प्रमुख राकेश प्रसाद चन्द्रवंशिको विशिष्ट आतिथ्यता तथा जनप्रतिनिधि, पूर्व जनप्रतिनिधिहरु,राजनैतिक दलका प्रतिनिधि र संघ संस्थाका प्रतिनिधिहरुको उपस्थिति रहेको थियो ।
