Day: २०८२ जेष्ठ १३, मंगलवार २१:३६ गते

हेटौंडा । सञ्चारमैत्री बजेट र कानून निर्माणमा प्रदेश सरकारको भूमिकासम्बन्धी अन्तरक्रिया तथा नेपाल पत्रकार महासंघ बागमती प्रदेशद्वारा आयोजना गरिएको दोस्रो प्रादेशिक भेला हेटौंडामा सुरु भएको छ। मंगलबार सुरु भएको दुई दिने कार्यक्रममा बागमती प्रदेशका मुख्यमन्त्री बहादुर सिंह लामा प्रमुख अतिथि थिए। कार्यक्रममा प्रदेशका आन्तरिक मामिला तथा कानुन मन्त्री सुरजचन्द्र लामिछाने र आर्थिक मामिला तथा योजना मन्त्री कुन्दनराज काफ्ले विशेष अतिथिका रूपमा सहभागी भएका थिए। मुख्यमन्त्री लामाले लोकतन्त्र र प्रजातन्त्रप्रति सरकारको अटुट विश्वास रहेको उल्लेख गर्दै पत्रकारिता सत्य, तथ्य र सन्तुलित सूचनामा आधारित हुनुपर्ने बताए। उनले कानुन निर्माणमा उच्च सावधानी अपनाउनु पर्ने आवश्यकता औंल्याउँदै व्याख्या गर्ने निकायद्वारा अर्थको तोडमोड हुँदा समस्या…

मकवानपुर । मकवानपुरमा लागूऔषध ONEREX सहित एक युवक पक्राउ परेका छन्। प्राप्त विशेष सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले थाहा नगरपालिका–११ स्थायी घर भई हाल हेटौंडा उपमहानगरपालिका–१० स्थित बसपार्क नजिक डेरा गरी बस्दै आएका २७ वर्षीय बिकास तामाङलाई लागूऔषधसहित पक्राउ गरेको हो। जेठ १३ गते बिहान करिब ९:४५ बजे तामाङको डेरा कोठामा प्रहरीले खानतलासी गर्दा दराजभित्र जेब्रा झोलामा लुकाई राखिएको अवस्थामा लागूऔषध ONEREX–100 ML का १३१ बोतल फेला परेको प्रहरीले जनाएको छ। बरामद गरिएको लागूऔषधसहित तामाङलाई नियन्त्रणमा लिइ मकवानपुर जिल्ला अदालत हेटौंडाबाट ५ दिनको म्याद लिएर थप अनुसन्धान भइरहेको प्रहरी स्रोतले जानकारी दिएको छ। प्रहरीका अनुसार लागूऔषध…

मकवानपुर । मकवानपुरको हेटौंडा उपमहानगरपालिका–१५ स्थित रातोमाटे चेकपोस्टमा प्रहरीले भन्सार छलि गरी ल्याइएका विभिन्न सामग्री बरामद गरेको छ। जेठ १ गतेदेखि १२ गतेसम्म प्रहरी चौकी रातोमाटेबाट खटिएको टोलीले पूर्व–पश्चिम राजमार्ग हुँदै वीरगंजबाट हेटौंडातर्फ आउँदै गरेका यात्रुबाहक सवारी साधनहरू जाँच गर्ने क्रममा बिल–विजकबिनाका सामानहरू फेला पारेको हो। जिल्ला प्रहरी कार्यालयका अनुसार जाँचका क्रममा लत्ताकपडा, एयरबर्ड्स, खाद्यान्नलगायतका सामानहरू फेला परेका छन्, जसको अनुमानित मूल्य ६ लाख ३१ हजार ८ सय ५० रुपैयाँ बराबरको छ। बरामद गरिएका सामानहरू आवश्यक अनुसन्धान तथा कारबाहीका लागि १२ गते राजश्व अनुसन्धान कार्यालय पथलैया, बारामा बुझाइएको प्रहरीले जानकारी दिएको छ।

हेटौंडा । नेकपा माओवादी केन्द्रकी केन्द्रिय सदस्य बागमती प्रदेशसभा सदस्य तथा समाजिक विकास पुर्व मन्त्री कुमारी मुक्तानले पत्रकारहरुले कृष्णसेन (इच्छुक)ले जस्तै साहसी भएर सर्वसाधारणको पक्षमा कलम चलाउनुपर्ने बताएकी छिन् । कृष्णसेन (इच्छुक) को २३ औं स्मृतिमा दिवसका अवसरमा प्रेस सेन्टर मकवानपुरले गरेको अन्तरकृया कार्यक्रममा सम्बोधन गर्दै मुक्तानले यस्तो कुरा बताएकी हुन् । कार्यक्रमकी प्रमुख अतिथी मुक्तानले पत्रकार सेनको सम्झना गर्दै जनयुद्ध जस्तो क्रुर बेलामा पनि आफ्नो ज्यानको पर्वाह नगरी आमजनताको पक्षमा कलम चलाउने निडर पत्रकारको रुपमा सेनलाइ पाएको बताइन् । प्रेस सेन्टर मकवानपुरका अध्यक्ष एमपी शर्माको सभाध्यक्षतामा भएको कार्यक्रममा बोल्दै अर्का वक्ता नेपाल पत्रकार महासंघ मकवानपुर अध्यक्ष बालकृष्ण अधिकारीले मकवानपुरे…

हेटौँडा । नेपाल प्रेस युनियनको ३४ औं स्थापना दिवसको अवसरमा हेटौंडाको संस्कृत वेद विद्यालयलाई खाद्यान्न सहयोग गरेको छ । प्रेस युनियन मकवानपुरले संसकृत वेद विद्यालयको जगेर्नामा युनियन साथमा भएको आभास होस् भन्ने उदेश्यले खाध्यान्न सहयोग गरेको प्रेस युनियनका मकवानपुर जिल्ला अध्यक्ष सुबास बिडारीले बताए । अध्यक्ष बिडारीको सभाध्यक्षतामा भएको कार्यक्रममा प्रेस युनियन मकवानपुरका संस्थापक अध्यक्ष राममणी दाहालको प्रमुख आतिथ्यता रहेको थियो ।कार्यक्रममा नेपाल पत्रकार महासंघ बागमती प्रदेश उपाध्यक्ष हरि हुमागार्इ , पत्रकार महासंघ जिल्ला अध्यक्ष बालकृष्ण अधिकारी, वरिष्ठ पत्रकार प्रताप विष्ट , पत्रकार महासंघ जिल्ला उपाध्यक्ष धुर्ब अधिकारी, वरिष्ठ पत्रकार रामकुमार एलन , समाजसेवी रामकृष्ण थापा लगायतको आतिथ्यता रहेको थियो…