२०८१ चैत्र ३१, आईतवार २२:१९ गते
२०८१ चैत्र ३१, आईतवार २२:१९ गते
हेटौंडा । शिक्षा तथा बाल अधिकारका सवालमा क्रियाशील लू निभाः बाल अधिकार समूह र शिक्षा अधिकार अनुगमन समूहले संयुक्तरूपमा बागमती प्रदेश सरकारलाई २० बुँदे सुझावपत्र बुझाएका छन्। सामाजिक विकास मन्त्रालयमार्फत बुझाइएको उक्त सुझावपत्रमा आगामी आर्थिक वर्षको नीति, कार्यक्रम तथा बजेटमा बालबालिकासम्बन्धी विषयहरूलाई प्राथमिकताका साथ समावेश गर्न माग गरिएको छ। समूहका प्रतिनिधिहरू सन्तराम डंगोल र प्रकाश खतिवडाले सामाजिक विकासमन्त्री हरिप्रभा खड्गीको सचिवालय तथा मन्त्रालयका सचिवमार्फत सुझावपत्र हस्तान्तरण गरेका हुन्। सुझावपत्रमा नेपालको अन्तर्राष्ट्रिय प्रतिबद्धता अनुसार प्रदेश सरकारले शिक्षा क्षेत्रमा कुल बजेटको कम्तीमा २० प्रतिशत विनियोजन गर्नुपर्नेमा जोड दिइएको छ। साथै, १० वर्षे विद्यालय शिक्षा क्षेत्र योजना तयार पार्नुपर्ने, विद्यालयस्तरमा दिवा खाजा, छात्रवृत्ति…
