Day: २०८१ मंसिर २२, शनिबार १९:२३ गते

मकवानपुर । तामाङ पत्रकार संघ बागमती (नेवा ताम्सालिङ) प्रदेश समितिको अध्यक्षमा ज्ञानेन्द्र तामाङ निर्वाचित भएका छन् । समितिको शनिबार हेटौँडामा भएको दोस्रो अधिवेशनबाट तामाङको अध्यक्षमा नयाँ कार्यसमिति चयन भएको हो । समितिको उपाध्यक्षमा काभ्रेका जगतमान तामाङ, सचिव मकवानपुरका दिल बहादुर तामाङ, सहसचिव काठमाडौँकी मायालु लामा र कोषाध्यक्ष दोलखाका पेमा लामा दोङ चयन भएका छन् । समितिको सदस्यहरुमा काठमाडौँका श्यामलाल लामा, दोलखाका फुर्वा तामाङ, मकवानपुरका नवराज वाईबा, चितवनका बबिलाल तामाङ र काभ्रेका विकास वाईबा चयन भएका छन् ।

मकवानपुर । निर्माण व्यवसायी संघ मकवानपुरले हेटौँडा उपमहानगरपालिका १० स्थित संस्कृत विद्यालयमा खाद्यान्न प्रदान गरेको छ । संघले १७ औँ राष्ट्रिय निर्माण दिवसका अवसरमा शनिबार आयोजित कार्यक्रममा विद्यालयलाई खाद्यान्न प्रदान गरेको हो । सो अवसरमा संघका अध्यक्ष बालगोपाल कंडेलले संघले निर्माण दिवसको अवसर पारेर सामाजिक उत्तरदायित्व अन्तर्गत संस्कृत विद्यालयलाई खाद्यान्न वितरण गरेको बताउनुभयो । खाद्यान्न वितरण कार्यक्रममा संघका वरिष्ठ उपाध्यक्ष सागर कटुवाल, प्रथम उपाध्यक्ष भवनाथ अधिकारी, द्धितीय उपाध्यक्ष भीमसेन श्रेष्ठ, महासचिव राजेन्द्र चौलागाईँ, उपमहासचिव सुरज बर्तौला, कोषाध्यक्ष अनल श्रेष्ठ, सहकोषाध्यक्ष प्रकाश लामालगायतको उपस्थिति रहेको थियो ।

मकवानपुर । एस्ट्रोनोभा फाउन्डेसन नेपालले विद्यालयहरुमा शिक्षण र सिकाइमा वाष्प दृष्टिकोण बारेमा हेटौंडाका निजी तथा आवासीय विद्यालयका संचालक तथा प्राचार्यहरुसँग छलफल कार्यक्रम गरेको छ । विद्यार्थीको रुचिकर विषय अनुसार पढाउनसके शिक्षाको क्षेत्रमा ठुलो परिवर्तन आउने एष्ट्रोनोभा फाउन्डेसन नेपालका संस्थापक प्रमुख किसन बास्तोलाको धारणा रहिआएको छ । बास्तोलाको सभाध्यक्षतामा भएको छलफल कार्यक्रममा डिपार्टमेन्ट अफ ल्याङ्ग्वेज एजुकेसन, स्कुल अफ एजुकेसनका एसोसिएट डीन, प्रोफेसर डाक्टर हेमराज काफ्ले, म्याथम्याटिकल एशोसियसन अफ नेपालका चियरम्यान बिनोदप्रसाद पन्त, टिचर एजुकेटर मोटिभेटर स्पिकर एजुकेसनल एक्टिभिष्ट लीडर अभिषेक घिमिरे, कार्यक्रमका प्रमुख अतिथी हेटौंडा उपमहानगरपालिकाकी मेयर मिनाकुमारी लामा लगायतले समयसापेक्ष शिक्षा आजको आवश्यकता हो भन्ने विषयमा आफ्नो धारणा राखेका थिए…

मकवानपुर । नेपाली कांग्रेसले कैलाश गाउँपालिकाकाे ४ वटा वडाको पार्टीका क्रियाशिल सदस्य र जनप्रतिनिधिबीच संयुक्त प्रशिक्षण कार्यक्रम गरेको छ । कांग्रेस कैलाश ६ नम्बर वडाको आयोजना तथा कैलाश गाउँपालिका कार्यसमितिको समन्वयमा कैलाश ६ को पकनीमा शनिबार कैलाश १,२,५ र ६ नम्बर वडाको संयुक्त प्रशिक्षण कार्यक्रम भएको हो । कांग्रेस कैलाश ६ का वडा सभापति कृष्णबहादुर मोक्तानको सभाध्यक्षता तथा कांग्रेस बागमती प्रदेश सभापति ईन्द्रबहादुर बानियाँको प्रमुख आतिथ्यतामा भएको कार्यक्रममा कांग्रेसका जिल्ला सभापति बुद्ध लामा, बागमती प्रदेश सदस्य चम्फुरत्न लामा, जिल्ला प्रवक्ता अर्जुन चौलागाईंलगायतले प्रशिक्षण दिएका थिए । प्रशिक्षणमा कांग्रेसको स्थापना, इतिहास, कांग्रेस नेतृत्वको सरकार हुँदा जनतासामु गरेका मुख्य काम, कांग्रेसका मुख्य…