समाचार

मकवानपुर । हेटौँडा उपमहानगरपालिका वडा नम्बर ६ स्थित हात्तिलेट टोल विकास संस्थाको अध्यक्षमा बलभद्र खतिवडा सर्वसम्मत चयन भएका छन् । संस्थाको आज भएको वार्षिक साधारणसभा तथा अधिवेशनबाट खतिवडाको अध्यक्षतामा ११ सदस्यीय समिति चयन भएको हो । समितिको उपाध्यक्षमा बिमला विष्ट, सचिवमा विष्णु बास्तोला, सहसचिवमा उमा दुलाल र कोषाध्यक्षमा रत्न सापकोटा चयन भएका हुन् । खतिवडाको सभाध्यक्षतमा भएको साधारण सभामा वडा नम्बर ६ का अध्यक्ष विष्णुबहादुर दाहालको प्रमुख आतिथ्यता रहेको थियो ।

मकवानपुर । प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले देशभरका ७५३ वटै पालिकामा सरकारविरुद्ध खबरदारीसभा आयोजना गर्ने घोषणा गरेका छन् । शनिबार मकवानपुरको थाहा नगरपालिकामा आयोजित वाईसीएलको कार्यक्रमलाई सम्बोधन गर्दै प्रचण्डले त्यसबारे पर्सी बैठक बसेर निर्णय गरिने समेत जानकारी दिए । ‘अब अर्को एउटा मेची महाकाली अभियान चलाउँदै छु,पर्सी हामी बैठक बसेर ७५३ वटै पालिकामा खबरदारीसभा गर्नेगरी हामी निर्णय गर्दैछौं,’ प्रचण्डले भने, ‘मलाई विश्वास छ, उनीहरुको सातो त गइनै सकेको छ । उनीहरु होपलेस भैनै सकेका छन् । उनीहरुलाई होपलेस हुन दिनुपर्छ र हामीहरू नयाँ आत्मविश्वासका साथ एउटा नयाँ आन्दोलनमा हामी जानुपर्दछ ।’ प्रचण्डले प्रत्यक्ष निर्वाचित कार्यकारी प्रमुख…

मकवानपुर । मकवानपुरको हेटौँडा उपमहानगरपालिका वडा नम्बर १७ निवासी उदाउँदो युवा साहित्यकार प्रभास घिमिरेको भारतमा सवारी दुर्घटनामा परी मृत्यू भएको छ । जानकारी अनुसार उनी निजी सवारीमा सवार भएको अवस्थामा भारतको लखनउ नजिकै दुर्घटनामा परेर घटनास्थलमै बितेका हुन् । उनी पुराणवाचकका रूपमा चर्चामा थिए । २० वर्षीय प्रभास विशेषतः छन्दमा आधारित कविता सृजनामा सक्रिय थिए । उनले आफ्नो प्रस्तुति शैलीका कारण साहित्यिक क्षेत्रका विभिन्न कार्यक्रमहरूमा चर्चा कमाउदै गएका थिए ।

मकवानपुर । हेटौंडा उपमहानगरपालिका वडा नम्बर १० टिसिएन रोडमा अवस्थित ग्रिण्डलेज बचत तथा ऋण सहकारी संस्था लिमिटेडको १५ औं वार्षिक साधारण सभा सम्पन्न भएको छ । वार्षिक साधारण सभा हेटौंडाको दर्शन पार्टी प्यालेसमा भएको हो । सहकारीका अध्यक्ष महेन्द्र इटेनीको सभाध्यक्षतामा भएको कार्यक्रममा हेटौंडा उपमहानगरपालिका १० नम्बर वडाका वडाध्यक्ष फुर्वा दोर्जे तामाङको प्रमुख आतिथ्यता रहेको थियोे । कार्यक्रमलाई सम्बोधन गर्दै वडाअध्यक्ष तमाङले ग्र्रिण्डलेजको सदस्य संख्या कम भएता पनि गुणात्मक रूपमा राम्रो काम गरेको बताए । कार्यक्रममा प्रगति प्रतिवेदन सहकारी सचिव ऋषि कुमार ढकाल र कोषको प्रतिवेदन कोषाध्यक्ष गोपी प्रसाद न्यौपानेले प्रस्तुत गरेका थिए । कार्यक्रममा सहकारी उपाध्यक्ष जानुका देवि कँडेल,…

मकवानपुर । राष्ट्रिय परीक्षा बोर्डले २०५६ सालदेखि २०७७ सालसम्म कक्षा ११ र कक्षा १२ मा विभिन्न विषयहरूमा अनुत्तीर्ण भएका विद्यार्थीहरूले मौका परीक्षा दिने व्यवस्था मिलाएको छ । बोर्डले सो समयको अवधिमा अनुत्र्तीण भएका विद्यार्थीहरुका लागि अन्तिम एक पटक मौका दिने भन्दै यस्तो व्यवस्था गरेको हो । त्यसका लागि बोर्डले फाराम भर्न आग्रह गरेको छ । बोर्डका अनुसार, रजिस्ट्रेसन नम्बरको सुरुका दुई अंक ५६ वा सोभन्दा बढी र ७७ वा सोभन्दा कम तथा कक्षा ११ को लागि ५६ वा सोभन्दा बढी र ७६ वा सोभन्दा कम भएकालाई अन्तिम एक पटकका लागि ग्रेडप्राप्त नगरेका विषयको परीक्षामा सहभागी हुन पाउने व्यवस्था गरिएको हो…

मकवानपुर । कृष्ण मन्दिर टोल विकास संस्था हेटौंडा ११ को अध्यक्षमा पूनः सिता चौँलागाई चयन भएकी छिन् । संस्थाको बिहीबार भएको १७ औं वार्षिक साधारण सभा तथा अधिवेशनबाट चौँलागाई सर्वसम्मत अध्यक्षमा चयन भएकी हुन् । कार्यक्रममा हेटौँडा उपमहानगरपालिका वडा नम्बर ११ की अध्यक्ष जुना दाहाल, टोल विकास संस्था नगर समन्वय समितिका उपमहासचिव देवकुमार श्रेष्ठ, टोल विकास संस्था वडासमन्वय समिति हेटौंडा ११ का अध्यक्ष यज्ञ बहादुर आचार्य लगायतको आतिथ्यता रहेको थियो ।