मकवानपुर विशेष

हेटौंडा । हेटौंडा उपमहानगर पालिका ११ नम्बर वडा स्थित शहीद स्मारक देखि पुण्यक्षेत्र सम्मको सडककिनारमा फुलको बिरुवा रोपिएको छ । पर्यटन वातावरण तथा ग्रामीण विकास संस्था हेटौंडा ११ मकवानपुरको २४ औं स्थापना दिवसको अवसरमा सडक किनारमा फुलको बिरुवा रोपिएको हो । पर्यटन वातावरण तथा ग्रामीण विकास संस्था हेटौंडा ११ र राष्ट्रिय युवा संघ नेपाल हेटौंडा ११ नम्बर वडा कमिटीको संयुक्त आयोजनामा गरिएको कार्यक्रममा हेटौंडा उपमहानगर पालिकाकी मेयर मीनाकुमारी लामाको प्रमुख आतिथ्यता रहेको थियो भने वडाध्यक्ष जुना दाहाल , नेकपा एमालेका नेता रामेस्वर राना लगायतकाको आतिथ्यता रहेको थियो । कार्यक्रम पर्यटन वातावरण तथा ग्रामीण विकास संस्था हेटौंडा ११ का अध्यक्ष शुक्रराज…

हेटौँडा । हेटौँडा–१३ पदमपोखरी र मनहरी क्षेत्रका स्थानीयबासीले बस्तीलाई राष्ट्रिय निकुञ्जको मध्यवर्ती क्षेत्रबाट हटाउने सरकारको तयारीको विरोधमा हस्ताक्षर संकलन अभियान सुरु गरेका छन्। भूमिहीन, सुकुम्बासी तथा अव्यवस्थित बस्ती संघर्ष समितिको अगुवाइमा सुरु भएको अभियानमा बासिन्दाहरूले दशकौँदेखि बसोबास गर्दै आएको जग्गामा दाबी गर्न नपाएको गुनासो व्यक्त गरेका छन्। समितिका अनुसार संकलित हस्ताक्षर स्थानीय, प्रदेश र संघीय सरकारलाई बुझाइनेछ, जसबाट दवाव सिर्जना गर्दै माग पूरा गराउने लक्ष्य लिइएको छ। समितिका संयोजक सूर्य थोकरले यसअघि पनि पटक–पटक सरोकारवालासमक्ष आवाज उठाए पनि सुनुवाइ नभएकाले यो कदम चालिएको बताए। उनले माग सम्बोधन नभए थप आन्दोलनको चेतावनी पनि दिए। कार्यक्रममा सहभागीहरूले वि.सं. २०११ मा हेटौँडा–१२, १३,…

मकवानपुर । बकैया गाउँपालिकाका प्रमुख प्रशासकीय अधिकृत महेश श्रेष्ठको विदाई गरिएको छ । सोमबार गाउँपालिकामा एक कार्यक्रमका बिच श्रेष्ठलाई बिदाई गरिएको हो । श्रेष्ठ बकैया गाउँपालिकामा ३ वर्ष ११ दिन बसेर बिदाई हुनुभएको हो । श्रेष्ठ २०७९ साउन १६ गते बकैयामा प्रमुख प्रशासकीय अधिकृतको रुपमा आउनु भएको थियोे । श्रेष्ठ संघिय मामिला तथा सामान्य प्रशासन मन्त्रालयमा सरुवा भएर जानुभएको हो । बकैयामा प्रमुख प्रशासकीय अधिकृतको रुपमा झापा जिल्लाको बुद्धशान्ति गाउँपालिकाबाट बिनोद पोख्रेल आउन लाग्नुभएको छ । कार्यक्रममा बकैया गाउँपालिकाका अध्यक्ष धर्मराज लामिछाने, उपाध्यक्ष भक्त बहादुर खत्री, वडा अध्यक्ष, कार्यपालिका सदस्य, पालिकाका कर्मचारी, राजनीतिक दलका प्रतिनिधि, शिक्षक, विभिन्न संघसंस्थाका प्रतिनिधि लगायतको…

हेटौंडा । बागमती प्रदेश सरकार अन्तर्गत कृषि विकास निर्देशनालय र हेटौँडा उपमहानगरपालिकाको संयुक्त लगानीमा निर्माण गरिएको देशकै नमुना प्रादेशिक कृषि थोक बजार आज एक भव्य समारोहका बीच उद्घाटन गरिएको छ। हेटौँडा उपमहानगरपालिका क्षेत्रमा निर्माण गरिएको उक्त आधुनिक कृषि बजार भवनको उद्घाटन प्रदेशका कृषि तथा पशुपंक्षी विकास मन्त्री प्रकाश श्रेष्ठ र नगर प्रमुख मीनाकुमारी लामाले संयुक्त रूपमा गरे। सोही अवसरमा बजारको जिम्मेवारी उपमहानगरलाई औपचारिक रूपमा हस्तान्तरण गरिएको हो। करीब ३८ करोड ८८ लाख ६७ हजार रुपैयाँ लागत अनुमानसहितको पाँच तल्ले योजना भए पनि हालसम्म ३२ करोड १० लाख ५० हजार रुपैयाँको लगानीमा बेसमेन्टसहित तीनतल्ले संरचना निर्माण सम्पन्न भएको छ। भवनको बेसमेन्टमा…

हेटौंडा । हेटाैंडा-८ कमानेस्थित चन्द्राेदय माध्यमिक विद्यालयको परिसरमा रोटरी क्लब हेटौंडाको आयोजनामा वृक्षारोपण कार्यक्रम सम्पन्न भएको छ। “सुन्दर, सफा, हरीत शहर निर्माण अभियान” अन्तर्गत आयोजित कार्यक्रममा हेटौंडा उपमहानगरपालिकाका नगर प्रमुख मीनाकुमारी लामा सहभागी भई अभियानलाई सफल बनाउन सकृय भूमिका निर्वाह गर्नुभएकाे थियाे । नगर प्रमुख लामाले हेटौंडा शहरलाई हरियालीयुक्त, सफा र फुलैफुलको पर्यावरणमैत्री शहर बनाउने उद्देश्यले आफैं अग्रसर भई निरन्तर विभिन्न अभियानमा सहभागिता जनाउँदै आउनुभएको छ। कार्यक्रममा हेटौंडा-८ का वडा अध्यक्ष रामकृष्ण थापासहित विभिन्न सामाजिक संघसंस्था, विद्यालयका शिक्षक-शिक्षिका तथा स्थानिय समुदायको पनि सक्रिय उपस्थिति रहेको थियो। वृक्षारोपण कार्यक्रममार्फत शहरको वातावरण संरक्षण, हरियाली विस्तार र वातावरणीय सचेतना फैलाउने उद्देश्य राखिएको आयोजकले…

हेटौंडा । हेटौंडा उपमहानगरपालिका–५ पिप्लेमामा अवस्थित सञ्जीवनी बचत तथा ऋण सहकारी संस्थाको २५औं स्थापना दिवस तथा रजत महोत्सव भव्य रूपमा सम्पन्न भएको छ। कार्यक्रमको उद्घाटन हेटौंडा उपमहानगरपालिकाकी नगर प्रमुख मीनाकुमारी लामाले गर्नुभएको हो। रजत महोत्सवको अवसरमा सहकारीका विगत २५ वर्षका गतिविधिहरू समेटिएको स्मारिकाको विमोचन नगर प्रमुख लामाको प्रमुख आतिथ्यतामा गरिएको थियो। कार्यक्रममा सहकारी क्षेत्रमा योगदान पु¥याउने व्यक्तिहरूलाई सम्मान समेत गरिएको थियो। नगर प्रमुख लामाले सहकारीले समुदायमा आर्थिक सशक्तिकरण, बचत संस्कार तथा स्वावलम्बनको प्रवर्द्धनमा खेलेको भूमिकाको प्रशंसा गर्दै आगामी दिनमा अझ प्रभावकारी र उत्तरदायी ढंगले अघि बढ्न शुभकामना व्यक्त गर्नुभयो। सञ्जीवनी सहकारीले विगत २५ वर्षदेखि सदस्यहरूको आर्थिक उन्नति र सामाजिक विकासमा…

हेटौंडा । समावेशी र सुरक्षित महिला मैत्री शहर निर्माणकाे अभियानलाई सशक्त बनाउन हेटौंडामा आयोजित सह-डिजाईन कार्यशालाकाे समापन हेटौंडा उपमहानगरपालिकाकी नगर प्रमुख मीनाकुमारी लामाले गर्नुभएको छ। हेटौंडा उपमहानगरपालिकाको वडा नम्बर ४ र १० मा लक्षित गरी आयोजना गरिएको कार्यशालामा सहभागीहरूले महिला मैत्री पार्क निर्माणका लागि आवश्यक पूर्वाधारहरूको नमुना तयार पारेका थिए। स्थानीय समुदायको सक्रिय सहभागिता र अपनत्व सुनिश्चित गर्न कार्यशालालाई सहभागीमूलक ढंगले सञ्चालन गरिएको थियो। यसबाट प्राप्त सिफारिस तथा डिजाइनहरू उपमहानगरपालिकाको आगामी शहरी विकास योजनामा समावेश गरिने जनाइएको छ। नगर प्रमुख लामाले यस्तो खालको पहलले महिला तथा सबै वर्गका नागरिकका लागि सुरक्षित र समावेशी सार्वजनिक स्थानहरू विकास गर्न मद्दत पुग्ने विश्वास…

हेटौंडा । हेटौंडा उपमहानगरपालिका सहित वडाको काम जिल्ला प्रशासन कार्यालय मकवानपुर परिसरबाट उपमेयर राजेश बानिया र वडाध्यक्षहरुले सेवा ग्राहीलाइ प्रदान गरेका छन् । गत असार ४ गते वडाध्यक्ष तथा उपमहानगर पालिकाका प्रवक्ता सबिन न्यौपाने माथी कार्यक्षमै केही आक्रमणकारीले कालो छ्याप्नुका साथै भौतिक आक्रमण गरेका थिए । आक्रमणकारीहरुलाइ एक महिना सम्मपनी कार्वाहीको दायरामा ल्याउन नसकेको भन्दै वडाध्यक्षहरुले जिल्ला प्रशासन कार्यालय र जिल्ला प्रहरी कार्यालयको साङ्केतिक बिरोध जनाउदै वडाको काम प्रशासन कार्यालयको हाताभित्र टेबुल राखेर गरेका थिए । यसैक्रममा उपमहानगर पालिकाले पनि आन्दोलनमा एक्यवद्धता जनाउँदै उपमहानगरको काम पनि उपमेयर राजेश बानियाँले जिल्ला प्रशासन कार्यालयको हाताभित्र बाटै गरिदिएका थिए । जिल्ला प्रहरी कार्यालयका…

हेटौँडा । जिल्ला अदालत मकवानपुरले चालु आर्थिक वर्षमा आफ्नो वार्षिक लक्ष्यभन्दा बढी मुद्दा फछ्र्यौट गरेको छ। अदालतले चालु आर्थिक वर्षमा २ हजार ८ सय ८६ मुद्दा फछ्र्यौट गरेको मंगलबार आयोजित पत्रकार सम्मेलनमार्फत जानकारी गराइएको हो। जिल्ला अदालतले चालु आर्थिक वर्षका लागि २ हजार ७ सय ३९ मुद्दा फछ्र्यौट गर्ने लक्ष्य राखेको थियो। सो लक्ष्यभन्दा १ सय २९ मुद्दा बढी फछ्र्यौट गर्न अदालत सफल भएको हो। अदालतकी श्रेस्तेदार रोशी भण्डारीका अनुसार चालु आर्थिक वर्षको असार ३० गतेसम्म अदालतले कुल मुद्दामध्ये ६९.११ प्रतिशत फछ्र्यौट गरेको छ भने वार्षिक लक्ष्यको आधारमा १०४.७१ प्रतिशत लक्ष्य प्राप्ति गरेको छ। भण्डारीका अनुसार गत आर्थिक वर्षबाट जिम्मेवारी…