समाचार

हेटौँडा । बागमती प्रदेशका मुख्यमन्त्री इन्द्रबहादुर बानियाँले राक्सिराङ गाउँपालिका–१, इन्द्रुङका विपन्न सुमनसिं चेपाङको घर निर्माणका लागि पहिलो किस्ताबापत २ लाख रुपैयाँ सहयोग गरेका छन्। गाउँपालिकाका जनप्रतिनिधि र नेपाली काँग्रेसका स्थानीय नेताहरूको उपस्थितिमा सोमबार मुख्यमन्त्री बानियाँले घर निर्माणको जिम्मा लिने पक्षलाई २ लाख रुपैयाँको चेक हस्तान्तरण गरेका हुन्। सुत्केरी श्रीमतीलाई खुवाउने खानेकुरा समेत नहुँदा झुप्रोमा बस्नुपरेको अवस्थाबारे जानकारी पाएपछि गाउँपालिका र काँग्रेसको सिफारिसमा मुख्यमन्त्री बानियाँले व्यक्तिगत खर्चमै घर निर्माण गरिदिने घोषणा गरेका थिए। मुख्यमन्त्रीमा नियुक्त भएसँगै उनले आफ्नो तलब–भत्ताबाट अति विपन्न परिवारलाई घर निर्माण गरिदिने घोषणा गरेका थिए। सोही योजनाअनुसार हाल राक्सिराङका चेपाङ परिवार र मनहरी गाउँपालिकाकी विपन्न दलित महिला मिठुमाया…

हेटौँडा । हेटौँडा–११ डाङडुङेस्थित श्री आनन्द भैरव आधारभूत विद्यालयका प्रधानाध्यापक कृष्ण प्रसाद खनाल ३७ वर्षसम्म सोही विद्यालयमा प्रधानाध्यापकको जिम्मेवारी सफलतापूर्वक पूरा गरेर आज औपचारिक रूपमा सेवा निवृत्त हुनुभएको छ। शिक्षा क्षेत्रमा निरन्तर योगदान दिंदै आउनुभएका खनालले विद्यालयको शैक्षिक गुणस्तर उकास्न महत्वपूर्ण भूमिका निर्वाह गर्नुभएको विद्यालय परिवारले जनाएको छ। उहाँले समाजमा शिक्षाको प्रकाश फैलाउँदै अज्ञानताको अँध्यारो हटाउन उल्लेखनीय योगदान दिनुभएको भन्दै विद्यालय परिवारले उच्च सम्मान व्यक्त गरेको छ। सेवा निवृत्त जीवन सुखमय र स्वास्थ्यपूर्ण रहोस् भनी विद्यालयका शिक्षक, विद्यार्थी तथा अभिभावकले खनालप्रति शुभकामना व्यक्त गरेका छन्।

हेटौँडा । नेपाल रेडक्रस सोसाइटी मकवानपुर जिल्ला शाखाको आयोजना ३६ औ जिल्ला जुनियर युवा रेडक्रस गोष्ठी कार्यक्रमको शुक्रबार उद्घाटन भएको छ । जुनियर रेडक्रस सर्कल अरनिको माबी, हेटौंडा -१९को  आतिथ्यतामा आयोजित गोष्ठीलाई रेडक्रस मकवानपुरका सभापति लालबहादुर थापाले उद्घाटन गर्नुभएको थियो । गोष्ठीमा मकवानपुर जिल्लाका ६५ वटा सामुदायिक तथा संस्थागत विद्यालय एवं समुदाय स्तरमा गठित जुनियर एवं युवा रेडक्रस सर्कलका प्रतिनिधि तथा शिक्षक नायकहरू गरि ३ सय जनाको उपस्थिति रहेको छ। नेपाल रेडक्रस सोसाइटी मकवानपुरका उपमन्त्री तथा जिल्ला जुनियर युवा समितिका संयोजक शिवहरि दाहालको अध्यक्षता तथा रेडक्रस मकवानपुरका सभापति लालबहादुर थापाको प्रमुख आतिथ्यमा सम्पन्न उद्घाटन कार्यक्रममा नेपाल रेडक्रस सोसाइटी बागमती मकवानपुर शाखाका मन्त्री सुमित्रा काफ्ले,…

हेटौंडा । अपांगता भएका महिलाहरूको सशक्तिकरणका लागि हेटौंडामा अचार उत्पादन तथा वित्तीय साक्षरता सम्बन्धी १० दिने तालिम सुरु भएको छ। हेटौंडा उपमहानगरपालिकाको सहयोग रोटरी क्लब हेटौंडाले आयोजना गरेको सो तालिमको उद्घाटन शुक्रबार उपमहानगरपालिकाकी नगर प्रमुख मीना कुमारी लामाले गर्नुभएको हो। कार्यक्रममार्फत सहभागी महिलाहरूलाई उद्यमशीलता, आयआर्जनका अवसर र आर्थिक व्यवस्थापनबारे ज्ञान दिइने आयोजकले जनाएको छ। तालिमले अपांगता भएका महिलाहरूलाई आत्मनिर्भर बनाउन सहयोग गर्ने अपेक्षा गरिएको छ।

हेटौँडा । बागमती प्रदेशका मुख्यमन्त्री इन्द्रबहादुर बानियाँले पछिल्लो समयमा नैतिक शिक्षाको महत्व अझै बढेको बताएका छन्। नेपाल स्काउट, बागमती प्रदेश स्काउट, महेन्द्र मावि र स्थानीय स्काउट हेटौंडा–१३ को संयुक्त आयोजनामा आइतबारदेखि सुरु भएको पाँच दिने स्काउट ओ–रामा फेष्टिवल क्याम्प २०८२ को उद्घाटन गर्दै उहाँले संघीयताप्रति देखिएको नकारात्मक भाष्यलाई चिर्न नैतिक शिक्षा अपरिहार्य रहेको औंल्याए। मुख्यमन्त्री बानियाँले कक्षा ८ सम्म नैतिक शिक्षा समावेश गर्न स्थानीय सरकारलाई आग्रह गर्दै सामाजिक सञ्जालमार्फत अफवाह फैलाउने गतिविधि बढेकोप्रति चिन्ता व्यक्त गरे। “लामो संघर्षबाट प्राप्त व्यवस्थाबारे गलत भ्रम सिर्जना गर्नेहरूसँग धैर्यपूर्वक परिणाममार्फत जवाफ दिनुपर्छ,” उहाँले भने। उहाँका अनुसार नयाँ पुस्तामा संघीयता र व्यवस्थाप्रति देखिएको वितृष्णा हटाउने…

हेटौंडा । मानव सेवा आश्रम, हेटौंडाले आफ्नो १३ औं वार्षिकोत्सव तथा अन्तरक्रिया कार्यक्रम सम्पन्न गरेको छ। शुक्रबार बिहान आयोजित कार्यक्रममा बागमती प्रदेशका मुख्यमन्त्री इन्द्रबहादुर बानियाँले आश्रममा आश्रित २५० सहयोगापेक्षीहरुलाई एक दिनको भोजन सहयोग गरेका छन्। कार्यक्रममा बागमती प्रदेश सरकारका मन्त्रीज्यूहरुको विशेष उपस्थिति रहेको थियो भने हेटौंडा उपमहानगरपालिकाकी मेयर मीना कुमारी लामालगायतका जनप्रतिनिधिहरुको पनि सहभागिता थियो। मुख्यमन्त्री बानियाँको प्रमुख आतिथ्यतामा भएको कार्यक्रममा “सहयोगापेक्षी सडक मानवमुक्त प्रदेश घोषणा” सम्बन्धी छलफल समेत गरिएको थियो। सो अवसरमा मेयर लामाले आश्रममा आश्रित महिलाहरुलाई चुरा र टिका लगाईदिएकी थिइन्। यसैबीच, आश्रममा बस्दै आएका भक्तपुरका एक व्यक्तिलाई सोही अवसरमा परिवारसँग पुनर्मिलन गराइएको आश्रमले जनाएको छ।

हेटौंडा । हेटौंडामा जग्गा प्रशासनसँग सम्बन्धित समस्या पहिचान, सहजिकरण र व्यवस्थापनका विषयमा तीन दिने समीक्षा कार्यक्रम सुरु भएको छ। भौतिक पूर्वाधार तथा अभिलेख विभागले आर्थिक वर्ष २०८१/८२ मा सम्पादन गरेका कामको प्रगति विवरण सहितको समीक्षा कार्यक्रममा हेटौंडा उपमहानगरपालिकाकी नगर प्रमुख मीना कुमारी लामाले आफ्नो धारणा व्यक्त गर्नुभएकाे थियाे । कार्यक्रममा बागमती प्रदेशका १३ जिल्ला र मधेस प्रदेशका ४ जिल्लाका प्रमुख मालपोत अधिकृतहरूको सहभागिता रहेको छ। उनीहरूले आफ्ना-आफ्ना जिल्लामा भएका काम तथा अनुभवका बारेमा प्रस्तुतिकरण गर्नेछन्। समस्या समाधानका उपाय तथा सुधारका सम्भावनाबारे छलफल हुने कार्यक्रम भदौ १४ गतेसम्म चल्ने आयोजकले जनाएकाे छ।