सबै समाचार

मकवानपुर । अखिल नेपाल औद्योगिक मजदुर संघ हेटौंडा सिमेन्ट उद्योग लिमिटेडको चैत १७ गते सम्पन्न अधिवेशनबाट नव निर्वाचित पदाधिकारीहरुलाई आज प्रमाण पत्र वितरण गरिएको छ । १७ कार्य समिति र २ सल्लाहकारलाई आज एक कार्यक्रमको आयोजना गरी प्रमाणपत्र वितरण गरिएको हो । कार्यक्रमका प्रमुख अतिथि नेकपा माओवादी केन्द्र केन्द्रीय सदस्य एवम बागमती प्रदेश सासंद कुमारी मोक्तानले अहिले मुलुकको ठूलो समस्या देशमा उद्योगको विकासको कमी भएको बताईन् । लोकतन्त्र स्थापनापछिको लामो समय हुँदा पनि राजनीतिक अस्थिरताका कारण देशमा उद्योग व्यापारको विकास हुन नपाएको उनले बताईन् । मुलुकलाई औद्योगिकीकरण गर्ने नाराले मात्र विकास सम्भव नभएको बताउँदै उनले उद्योग दिर्घकालिन रुपमा संचालन गर्नुपर्नेमा…

मकवानपुर । हेटौंडास्थित हेटौंडा सिटी कलेजले कानून संकायतर्फ शतप्रतिशत नतिजा प्राप्त गरेपछि सोमबार खुशीयाली मनाउन र्‍याली निकालेको छ । हालै सार्वजनिक कक्षा १२ को परीक्षाफल अनुसार कलेजले कानून संकायतर्फ कक्षा १२ मा जिल्ला प्रथमसहित शतप्रतिशत नतिजा प्राप्त गरेको हो । कलेजका प्रशासन तथा आइटी विभागका प्रमुख सुमन्त सिलवालका अनुसार कानुन संकाय अन्तर्गत १० जना विद्यार्थी कक्षा १२ को परीक्षामा सहभागी भएकोमा सबैजना उत्तीर्ण भएका छन् । कलेजकी मधुमिता यादवले सबैभन्दा बढी ३.६६ जीपीए हासिल गरेको सिलवालले बताए । कलेजले ३ वर्षदेखि अङ्ग्रेजी माध्यमबाट कानून संकायको अध्यापन गराउँदै आइरहेको छ । सोमबार बिहान कलेज सञ्चालक समितिका अध्यक्ष रमिता पाण्डे, कलेजका प्राचार्य…

मकवानपुर । हेटौँडामा आज भएको रक्तदान कार्यक्रममा ४७ जनाले रक्तदान गरेका छन् । सामुदायिक सेवा केन्द्र तथा सामुदायिक प्रहरी सेवा केन्द्र हेटौंडा उपमहानगरपालिका ११ नम्बर वडा थानाभर्याङ्गको आयोजनामा रक्तदान कार्यक्रम भएको हो । नेपाल इकरात इन्जिनियरिङ्ग कम्पनी प्रा. लि. को समन्वयमा भएको रक्तदानमा प्रहरी, इकरात कम्पनीका कर्मचारीहरु र सर्वसाधारणहरुले रक्तदान गरेका हुन् । सामुदायिक प्रहरी सेवाकेन्द्र हेटौंडा ११ का अध्यक्ष देवकुमार श्रेष्ठ को सभाध्यक्षतामा कार्यक्रममा भएको हो ।

मकवानपुर । राष्ट्रिय सौन्दर्यकर्मी युनियन नेपाल हेटौंडा उपमहानगरकमिटिको अध्यक्षमा सम्झना सिटौला चयन भएका छन् । हेटौंडामा शनिबार भएको सौन्दर्यकर्मीहरुको भेलाले सिटौलाको अध्यक्षतामा १३ सदस्यीय कार्यसमिति चयन गरेको हो । समितिको उपाध्यक्षमा रुपा अर्याल, सचिव लक्ष्मी उप्रेती मैनाली, सहसचिव सुभद्रा खड्गे, कोषाध्यक्ष सुनिता मानन्धर चयन भएका छन् । सौन्दर्यकर्मी युनियनका केन्द्रीय महासचिव सुजना जोशीको प्रमुख आतिथ्यतामा भएको भेलाले कार्यसमिति चयन गरेको हो । संघले सौन्दर्यकर्मीहरुको क्षमता विकासका लागि नयाँ तालिमहरु सञ्चालन गर्ने नवनिर्वाचित अध्यक्ष सिटौलाले बताइन् ।

मकवानपुर । बागमती प्रदेश प्रमुखको जिम्मेवारीबाट बिदा भएका यादव चन्द्र शर्माले शुक्रबार नव नियुक्त प्रदेश प्रमुखको जिम्मेवारी लिई आएका दीपक प्रसाद देवकोटालाई स्वागत गरे । निवर्तमान भइसकेपनि शर्मा प्रदेश सरकारका मुख्यमन्त्री बहादुरसिंह लामा, प्रदेशसभाका सभामुख भुवनकुमार पाठक, सरकारका मन्त्री लगायतसँगै नयाँ प्रदेश प्रमुख देवकोटाको स्वागतका लागि प्रदेश प्रमुखको कार्यालय पुगेका थिए । राष्ट्रपतिले प्रदेश प्रमुख परिवर्तन गर्दा काठमाडौंमै रहेका शर्मा नयाँ प्रदेश प्रमुखलाई स्वागत गर्न विहानै हेटौंडा आइपुगेका थिए । नयाँ प्रमुख देवकोटाले विगतका परिपाटी भन्दा पृथक रुपले निवर्तमान प्रदेश प्रमुखबाट स्वागत तथा आतिथ्यता पाए । विगतमा निवर्तमान भई जाने प्रदेश प्रमुखले यस खालको स्वागत तथा पदस्थापनामा सहभागिता गराउने गरेका…

मकवानपुर । बागमती प्रदेशका नवनियुक्त प्रदेश प्रमुख दीपकप्रसाद देवकोटाले पदभार ग्रहण गरेका छन्। गत सोमबार बसेको मन्त्रिपरिषद् बैठकको सिफारिसमा राष्ट्रपति रामचन्द्र पौडेलले देवकोटालाई बागमती प्रदेशको प्रमुखमा नियुक्त गरेका थिए। बिहीवार शितलनिवासमा पद तथा गोपनियताको सपथ खाएका प्रदेश प्रमुख देवकोटाले शुक्रबार प्रदेश प्रमुखको कार्यालयमा पदभार ग्रहण गरेका हुन्। कैलालीका देवकोटा लामो समय नेकपा एमालेमा राजनीति गरेका व्यक्ति हुन्। उनीसँग एमालेको विभिन्न कमिटीमा काम गरेको अनुभव छ। केही वर्षअघि भूमि आयोग कैलालीको अध्यक्ष बनेर ५ महिना काम गरेका थिए। पछिल्लो समय एमाले अनुशासन आयोगको सदस्य रहेका देवकोटा प्रदेश प्रमुख नियुक्त भएसँगै पार्टी राजनीतिबाट अलग बनेका छन्।