Day: २०८२ पुष २५, शुक्रबार २१:१४ गते

हेटौंडा । नेपाली कम्युनिस्ट पार्टी (नेकपा) का नेता विरोध खतिवडा फागुन २१ गते हुने प्रतिनिधिसभा निर्वाचनमा उम्मेद्वार नबन्ने भएका छन् । नेकपा मकवानपुरले मकवानपुरका दुवै निर्वाचन क्षेत्रबाट प्रतिनिधिसभा निर्वाचनका लागि खतिवडाको नाम सिफारिस गरेको थियो । पूर्वस्वास्थ्यमन्त्री खतिवडाले मंगलबार हेटौंडा–५ स्थित नेकपाको जिल्ला पार्टी कार्यालयमा दुवै निर्वाचन क्षेत्रबाट आफ्नो नाम सिफारिस गरिएकोमा आभार व्यक्त गर्दै भने–म निर्वाचनमा उठ्दिन“, अन्य साथीहरुलाई सहयोग गर्छु । खतिवडाले आफू यसअघि नै ६ पटक निर्वाचन लडिसकेको भन्दै र २३ र २४ भदौको जेनजी आन्दोलनपछि निर्वाचन हुन लागेकाले युवालाई पालो दिन खोजेको बताए । ‘मैले राजनीतिबाट सन्न्यास लिन खोजेको होइन । यस निर्वाचन नलड्नेमात्र हो ।…