Day: २०८२ असार २४, मंगलवार २०:२५ गते

हेटौंडा । मकवानपुर जिल्लालाई पुर्ण खोपयुक्त जिल्ला घोषणा गरिएको छ । जिल्ला समन्वय समिती मकवानपुरको मुख्य आयोजना र जिल्ला स्वास्थ्य कार्यालय, स्वास्थ्य निर्देशनालय बागमती प्रदेश हेटौंडाको सहकार्यमा हेटौंडाको हिमालय दरबारमा कार्यक्रम भएको हो । जिसस प्रमुख ललित बहादुर घलानको सभाध्यक्षतामा भएको कार्यक्रममा बागमती प्रदेश सभासदस्य तथा पुर्वमन्त्री एकालाल श्रेष्ठको प्रमुख आतिथ्यता रहेको थियो । कार्यक्रममा बागमती प्रदेश स्वास्थ्य निर्देशक डाक्टर नरेन्द्रकुमार झा , जिल्ला स्वास्थ्य कार्यालय प्रमुख कृष्ण बहादुर मिजार , मदन भण्डारी स्वास्थ्य बिज्ञान प्रतिष्ठान हेटौंडाका उपकुलपति डाक्टर प्रदिप ज्ञवाली , हेटौंडा अस्पतालका निर्देशक डाक्टर रामचन्द्र सापकोटा लगायतको आतिथ्यता रहेको थियो ।

मकवानपुर । छिमेकी देश चीनको तिब्बत क्षेत्रमा परेको अत्यधिक वर्षापछि भोटेकोसी नदीमा एक्कासी आएको भीषण बाढीले मुख्यतः बागमती प्रदेशको रसुवा जिल्लामा मानवीय र भौतिक क्षति पुर्‍याएपछि बागमती प्रदेशका प्रदेश प्रमुख दीपक प्रसाद देवकोटाले सबैलाई सचेत रहन र सहयोगमा जुट्न अपिल गर्नुभएको छ। भोटेकोसी नदीमा आएको बाढीका कारण बेपत्ता भएकामध्ये केहीको शव फेला परेको खबरले आफू स्तब्ध भएको उल्लेख गर्दै प्रदेश प्रमुख देवकोटाले विपद्को यस घडीमा पीडित तथा प्रभावितलाई सक्दो सहायता पुर्‍याउन आग्रह गर्नुभएको हो। सोमबार राति चीनतर्फबाट आएको बाढीले नेपाल–चीन जोड्ने मितेरी पुल, रसुवा भन्सार कार्यालय, भन्सार यार्डमा रहेका सवारीसाधन, जलविद्युत परियोजनालगायत संरचनामा ठूलो क्षति पुर्‍याउनुका साथै सडक समेत बगाएको…