Day: २०८२ बैशाख ३१, बुधबार २१:०० गते

हेटौँडा,३१ बैशाख । बागमति प्रदेशको राजधानी हेटौंडामा बैशाख ३१ गते बुधबारदेखि थप दैनिक पत्रिका ‘नयाँपन’ प्रकाशनमा आएको छ । कम्युनिकेशन इन्डस्ट्री हेटौंडा, मकवानपुरले पत्रिकाको प्रथम अंक बजारमा प्रकाशनमा ल्याएको हो । धुर्ब अधिकारीको नेतृत्वमा रहेको पाक्षिक पत्रिकालाई नयाँ नेतृत्वले दैनिकमा परिणत गरेको पत्रिकाका सम्पादक दिपेन्द्र रोक्काले बताएका छन् । 'समाचार धेरै चोटि सोचेर लेखिन्छ तर समाचार प्रकाशन भएको कुरामा सम्झौता गरिन्न' रोक्काले पत्रीकाको प्रकाशकीयमा लेखेका छन् । पत्रिका निरन्तर प्रकाशित हुने र शनिबार भने पत्रिका प्रकाशन नहुने जनाइएको छ । श्यामस्वेत कलरको ट्याबलेट साइजको पत्रिका ४ पेजको छ ।

हेटौंडा । मकवानपुरको कैलाश गाउँपालिकामा कार्यरत आधारभूत तथा माध्यामिक तहका सूचना प्रविधि (आईटी) स्रोत शिक्षकलाई लक्षित गरी सञ्चालन गरिएको पाँचदिने सूचना प्रविधि सम्बन्धी तालिम मंगलबार सम्पन्न भएको छ। गाउँपालिकाको आयोजनामा गत शुक्रबारदेखि सञ्चालन भएको तालिममा ४३ जना शिक्षक सहभागी थिए। तालिम समापन कार्यक्रममा प्रमुख अतिथिका रूपमा बोल्दै गाउँपालिका अध्यक्ष लोकबहादुर मुक्तानले कैलाश गाउँपालिकाको भौगोलिक विकटता र शिक्षामा सुधारको क्रमबद्ध अवस्थाका बीच पनि सूचना प्रविधिको प्रयोगले शिक्षामा नयाँ सम्भावना सिर्जना गर्ने बताए। उनले भने, “यहाँ चेतनाको कमी छ, शिक्षामार्फत नै चेतना फैलाउनु जरूरी छ। समाज परिवर्तन शिक्षाबाट हुन्छ, त्यसैले शिक्षामा समर्पण आवश्यक छ।” मुक्तानले विद्यालयमा उपलब्ध कम्प्युटर र अन्य आईटी उपकरणको…