समाचार

मकवानपुर । नेकपा एमाले मकवानपुरले ४६ औँ पुष्पलाल स्मृति दिवसको अवसरमा रक्तदान कार्यक्रम सम्पन गरेको छ । नेपाल कम्युनिस्ट पार्टीका संस्थापक महासचिव पुष्पलाल श्रेष्ठको सम्झनामा हेटौंडा–५ स्थित पार्टी कार्यालय परिसरमा रक्तदान कार्यक्रम गरेको हो । रक्तदान कार्यक्रममा ३५ जनाले रक्तदान गरेको पार्टी जिल्ला अध्यक्ष श्रीधर पोखरेलले जानकारी दिए । जिल्लामा बिरामीलाई आवश्यक पर्ने रगतको कमी भएको जानकारी आएलगत्तै रक्तदान कार्यक्रम गरेको उनले बताए । यस्तै रक्तदान कार्यक्रम लगत्तै पुष्पलाल पार्कमा रहेको पुष्पलाल श्रेष्ठको सालिकमा माल्यार्पण गरिएको थियो । पार्टी जिल्ला अध्यक्ष पोखरेलको सभाध्यक्षतामा भएको कार्यक्रममा पार्टी केन्द्रिय सदस्य केदार न्यौपानेको प्रमुख अतिथ्यता रहेको थियो । कार्यक्रममा केन्द्रिय सदस्यहरु रामेश्वर राना,जुनेली…

मकवानपुर । नेपाल निवृत्त शिक्षक समाज मकवानपुरले गुरु पूर्णिमाको अवसरमा निवृत्त शिक्षकहरुलाई सम्मान गरेको छ । कार्यक्रममा १० जना ज्येष्ठ निवृत्त शिक्षकहरुलाई सम्मान गरिएको हो । समाजले ज्येष्ठ निवृत्त शिक्षकहरु वनमाली सुवेदी, विशाल कुमार बिडारी, शिवदयाल यादव, कृष्णप्रसाद न्यौपाने, इन्द्रमणि गौतम, माधवप्रसाद ढकाल, रामनरेश यादव, बद्रीप्रसाद गर्तौला, गोपीप्रसाद न्यौपाने र ‘राम–सावित्री नेपाली भाषा शिक्षक सम्मान’ बाट घनश्याम सापकोटालाई सम्मान गरिएको थियो । राम–सावित्री नेपाली भाषा शिक्षक सम्मान ध्रुव भुजेलको मातापिताको नाममा स्थापित गरिएको हो । समाजका अध्यक्ष सिताराम दाहालको सभाध्यक्षतामा भएको कार्यक्रममा हेटौँडा उपमहानगरपालिकाका नगर प्रमुख मीनाकुमारी लामाको प्रमुख आतिथ्यता रहेको थियो । कार्यक्रममा नेपाल निवृत्त शिक्षक समाजका केन्द्रीय सचिव…

मकवानपुर । नेपाल कम्युनिस्ट पार्टी समाजवादी (यस) को प्रथम हेटौंडा नगर कमिटी बैठक सम्पन्न भएको छ । शनिबार बिहान पार्टी कार्यालय हेटौंडामा बसेको बैठकले नगर भेलाको समिक्षा र जिम्मेवारी बाँडफाड गरेको छ । पार्टीकी नगर अध्यक्ष विष्णुमाया लामाको अध्यक्षतामा बसेको बैठकले नगर सचिव सफल अधिकारीलाइ संगठन तथा स्कुल विभाग प्रमुखको जिम्मेवारी दिएको छ । यसैगरी उपसचिव देवेन्द्र पराजुलीलाई आर्थिक विभाग प्रमुख, नगर सदस्य तथा प्रेस सङ्गठनका जिल्ला उपाध्यक्ष गोबिन्द प्रसाद न्यौपानेलाई सुचना तथा प्रचार–प्रसार विभाग प्रमुखको जिम्मेवारी दिइएको छ । नगर बैंठकबाट उनीहरुलाइ सर्वसम्मत चयन गरिएको हो । बैठक पार्टीका जिल्ला अध्यक्ष विष्णु दाहालको प्रमुख आतिथ्यतामा सम्पन्न भएको हो।

जी.न्यौपाने, मकवानपुर । हेटौँडामा घरेलु हिंसा पीडित–प्रभावित महिला तथा बालबालिकाको लागिअल्पकालीन आवास गृह (सेफ होम) को नवनिर्मित भवनको उद्घाटन तथा हस्तान्तरण कार्यक्रम गरिएको छ । हेटौंडा उपमहानगरपालिका ११ नम्बर वडास्थित थानाभर्याङ्गमा निर्मित भवनको उद्घाटन बागमती प्रदेश समाजिक विकास मन्त्री कुमारी मुक्तानले रिबन काटेर गर्नुभएको हो । बागमती प्रदेश सरकार सामाजिक विकास मन्त्रालय हेटौंडाको आयोजना तथा हेटौंडा उपमहानगर नगरकार्यपालिकाको कार्यालयको समन्वयमा कार्यक्रम भएको हो । सामाजिक विकास मन्त्रालय बागमती प्रदेश सचिव बद्रीनाथ गैरेको सभाध्यक्षतामा भएको भवन उद्घाटन तथा हस्तान्तरण कार्यक्रममा सामाजिक विकास मन्त्री मुक्तानको प्रमुख आतिथ्यता रहेको थियोे । कार्यक्रममा हेटौंडा उपमहानगरपालिका ११ नम्बर वडाध्यक्ष जुना दाहाल , वडा सदस्य गोपिनी…

चन्द्र घलान, मकवानपुर । हेटौँडा उपमहानगरपालिकाका २ वडाहरु बालमैत्री वडा घोषणा गर्ने तयारीमा जुटेका छन् । हेटौँडाका ४ र १० नम्बर वडाले बालमैत्री घोषणाको तयारी गरेको हो । हेटौँडा १० का वडाअध्यक्ष फुर्वादोर्जे तामाङका अनुसार अहिले वडा नम्बर १० बालमैत्री वडा घोषणाको अन्तिम तयारीमा पुगेको छ । अब छिट्टै नै वडालाई बालमैत्री घोषणा गरिने उनले बताए । त्यसका लागि आवश्यक सुचकांकहरुको समेत लगभग सबै पुरा भएको उनले जानकारी दिएका छन् । त्यस्तै वडा नम्बर ४ लाई पनि बालमैत्री वडा घोषणाको तयारी गरिएको लगभग अन्तिम चरणमा पुगेको छ । वडाअध्यक्ष नविन सिग्देलका अनुसार वडालाई बालमैत्री घोषणाका लागि आवश्यक सुचांकहरु पुरा भए–नभएको…

मकवानपुर । हेटौंडा उपमहानगरपालिका १ नम्बर वडा कार्यालयमा सार्वजनिक सुनुवाइ कार्यक्रम गरिएको छ । १ नम्बर र ११ नम्बर वडा जोड्ने राप्ती नदीबाट जथाभावी ढुङ्गा, गिट्टी, बालुवा उत्खनन गरिएको विषयलाइ लिएर सरोकारवालाहरुबिच अन्तरक्रिया सहितको सार्वजनिक सुनुवाइ कार्यक्रम गरिएको १ नम्बर वडाध्यक्ष सबिन न्यौपानेले बताए । वडाध्यक्ष न्यौपानेको सभाध्यक्षतामा भएको कार्यक्रममा ११ नम्बरकी वडाध्यक्ष जुना दाहाल, हेटौँडा उपमहानगरपालिकाकी कार्यपालिका सदस्य इश्वरी रसाइली, ११ नम्बर वडासदस्यद्वय सन्जय बिडारी, विकास नेपाल लगायत सरोकारवालाहरुको उपस्थिति रहेको थियोे । यसैगरी हेटौंडा उपमहानगर पालिका ३ नम्बर वडामा पनि नदिजन्य पदार्थ उत्खनन बिषयलाइ लिएर सार्वजनिक सुनुवाइ कार्यक्रम भएको छ । ३ नम्बर वडाध्यक्ष ढलकबहादुर थापाको अध्यक्षतामा भएको…