Day: २०८२ श्रावण १९, सोमबार १६:४७ गते

हेटौँडा । बागमती प्रदेशमा नयाँ सरकार गठनको प्रयास अन्तर्गत नेपाली कांग्रेस संसदीय दलका नेता इन्द्रबहादुर बानियाँले मुख्यमन्त्री पदमा औपचारिक दाबी पेस गरेका छन्। बानियाँले कांग्रेस र नेकपा एमालेको संयुक्त समर्थनमा मुख्यमन्त्री बन्ने दाबी सोमबार प्रदेश प्रमुखसमक्ष प्रस्तुत गरेका हुन्। कांग्रेसका ३७ र एमालेका २७ सांसद गरी कुल ६४ जना सांसदहरूको समर्थन रहेको उल्लेख गर्दै बानियाँले संविधानको धारा १६८ (२) बमोजिम सरकार गठनको माग गरेका हुन्। बागमती प्रदेश सभामा कुल ११० सदस्य छन्। दावी पेस गरिएको निवेदनमा कांग्रेस संसदीय दलका नेता बानियाँ र एमाले संसदीय दलका नेता जगन्नाथ थापाको हस्ताक्षर रहेको छ। यसअघि प्रदेश प्रमुखको कार्यालयले सोमबार विज्ञप्ति जारी गर्दै संविधानको…

हेटौंडा । वडा कार्यालयमै प्रवेश गरी वडा अध्यक्षमाथि अमानवीय र अपमानजनक व्यवहार गरेको आरोपमा फरार रहेका एक जना व्यक्ति पक्राउ परेका छन्। २०८२ साल असार ४ गते हेटौंडा उपमहानगरपालिका–१ का वडा अध्यक्ष सविन न्यौपानेलाई कार्यालयमै आएर अपमानजनक व्यवहार गरी फरार रहेका मध्येका एक मनहरी गाउँपालिका–२ का विजय थिङ लामा (उर्फ नेप्टे) लाई साउन १८ गते कमाने क्षेत्रबाट पक्राउ गरिएको जिल्ला प्रहरी कार्यालय मकवानपुरले जनाएको छ। थप अनुसन्धानका लागि मकवानपुर जिल्ला अदालतबाट ४ दिनको म्याद अनुमति लिई अनुसन्धान प्रक्रिया अगाडि बढाइएको प्रहरीले जानकारी दिएको छ। साथै घटनामा संलग्न अन्य व्यक्तिहरुको खोजी कार्य पनि जारी रहेको जनाइएको छ।

हेटौंडा । हेटौंडामा महिलाहरुलाइ दिइएको स्पेसल फेसन डिजाइन तालिमको समापन भएको छ । जिल्ला लघु उद्धमी समूह संघ मकवानपुरको आयोजना र हेटौंडा गार्मेन्ट उद्धमी समूह , सूर्यमणी प्राविधिक शिक्षालयको सहकार्यमा महिलाहरूलाई नि:शुल्क १० दिने तालिम दिइएको मुख्य प्रशिक्षक मेनका श्रेष्ठले जानकारी दिइन् । करिब २० जना महिलाले तालिम सकाएका छन् । तालिम पूरा गरेकाहरुलाइ तालिम समापन कार्यक्रमकि प्रमुख अतिथी (पिसिटीभिइटी प्रमुख) शान्ति लामा, विशिस्ट अतिथी हेटौंडा उपमहानगरपालिका ४ नम्बर वडाका वडाध्यक्ष नवीन सिग्देल, बागमती प्रदेश सामाजिक विकास शाखाकी महिला विकास निरीक्षक ममता सिग्देल लगायतले प्रमाणपत्र प्रदान गरेका थिए ।

हेटौंडा । मकवानपुर जिल्लामा लागुऔषध ओसारपसार तथा कारोबारमा संलग्न रहेको आशंकामा प्रहरीले छुट्टाछुट्टै स्थानबाट चार जनालाई पक्राउ गरेको छ। पक्राउ परेकाहरूको साथबाट खैरो हेरोइन र ट्रामाडोल जस्ता लागूऔषध बरामद गरिएको छ। प्रहरीका अनुसार मिति २०८२ साउन १७ गते साँझ करिब ६ बजे वडा प्रहरी कार्यालय सानोपोखराबाट खटिएको टोलीले हेटौंडा उपमहानगरपालिका–५ पिप्लेचोकस्थित कान्तीराज लोकपथ सडक खण्डमा सवारी साधन चेकजाँच गर्ने क्रममा ना.३५ प ६७१२ नम्बरको स्कुटरमा सवार दुई जनालाई नियन्त्रणमा लिएको थियो। स्कुटर चालक हेटौंडा–५ बस्ने २१ वर्षीय युवक र पछाडि सवार हेटौंडा–६ का ३८ वर्षीय पुरुषको खानतलासी गर्दा उनीहरूको साथबाट ५२० मिलिग्राम खैरो हेरोइन जस्तो देखिने पदार्थ बरामद भएको हो।…

हेटौँडा । मकवानपुरको मनहरी गाउँपालिका वडा नम्बर ९ का लोकप्रिय एमाले नेता सुदन सिङ प्रजाले नेकपा (एमाले) परित्याग गरी नेपाल कम्युनिस्ट पार्टी (एकीकृत समाजवादी) मा प्रवेश गरेका छन्। आज आयोजित एक कार्यक्रममा प्रजा औपचारिक रूपमा एकीकृत समाजवादीमा प्रवेश गरेका हुन्। उक्त जानकारी नेकपा (एकीकृत समाजवादी) मकवानपुर जिल्ला कमिटिले सामाजिक सञ्जालमार्फत सार्वजनिक गरेको हो। प्रजाको पार्टी प्रवेशलाई स्थानिय स्तरमा महत्त्वपूर्ण रूपमा हेरिएको छ। उनले एमालेमा रहँदै सक्रिय भूमिका खेलेका थिए। नेकपा (एकीकृत समाजवादी) मकवानपुरले प्रजाको आगमनले पार्टी संगठन अझ सशक्त हुने विश्वास व्यक्त गरेको छ।