Day: २०८२ श्रावण १४, बुधबार २०:३३ गते

हेटौँडा । बागमती प्रदेशका श्रम, रोजगार तथा यातायातमन्त्री प्रेमभक्त महर्जनको एक वर्षे कार्यकालमा प्रविधिमैत्री सेवा विस्तार, यातायात प्रणालीको आधुनिकीकरण, श्रम व्यवस्थापन तथा वैदेशिक रोजगारी सुदृढीकरणतर्फ उल्लेखनीय प्रगति भएको छ। सोमबार आयोजित पत्रकार सम्मेलनमार्फत मन्त्री महर्जनले आर्थिक वर्ष २०८१/८२ मा मन्त्रालयमार्फत हासिल भएका नीतिगत, संस्थागत र कार्यक्रमगत उपलब्धिहरू सार्वजनिक गरे। उनका अनुसार हाल देशभर करिब २२ लाख सवारी चालक अनुमतिपत्र (लाइसेन्स) छपाइ बाँकी रहेकोमा बागमती प्रदेशमा मात्र ८ लाख ५० हजार छपाइ हुन बाँकी रहँदा ‘डिजिटल लाइसेन्स’ सेवा सुरु गरिएको छ। यो प्रणालीमार्फत ट्राफिक प्रहरीको सिस्टमलाई नागरिक एपसँग जोडिएको छ, जसले मोबाइलमै लाइसेन्स देखाउने र जरिवाना डिजिटल माध्यमबाट तिर्ने सुविधा दिएको…

हेटौँडा । नेपाली कांग्रेस बागमती प्रदेश संसदीय दलको नेतामा इन्द्रबहादुर बानियाँ निर्वाचित भएका छन्। प्रदेशसभा सचिवालय परिसरमा बुधबार सम्पन्न निर्वाचनमा बानियाँले बहालवाला मुख्यमन्त्री बहादुर सिंह लामालाई पराजित गर्दै नयाँ नेता चयन भएका हुन्। निर्वाचनमा कांग्रेसका ३७ जना सांसदमध्ये बानियाँले २२ मत प्राप्त गरे भने लामाले १४ मत मात्र पाए। १ मत बदर भएको थियो। लामाले दलको नेताको हैसियत गुमाएपछि नयाँ नेतृत्व चयन गर्न निर्वाचन गरिएको हो। यसअघि बानियाँको नेतृत्वमा कांग्रेसका २१ जना सांसदले संसदीय दलको कार्यालयमा लामा नेतृत्वको सरकारविरुद्ध अविश्वासको प्रस्ताव दर्ता गरेका थिए। उक्त प्रस्तावमा पाँच जना मन्त्रीले राजीनामा दिएर बानियाँको पक्षमा समर्थन जनाएका थिए। प्रस्ताव २२ मतको बहुमतले…

हेटौँडा । बागमती प्रदेश कांग्रेस संसदीय दलको नेताका लागि फेरि एकपटक बहादुर सिंह लामा र इन्द्र बानियाँबीच प्रतिस्पर्धा हुने भएको छ। बुधबार हुने निर्वाचनका लागि दुवैले उम्मेदवारी दर्ता गराएका छन्। लामाको प्रस्तावकमा तीर्थ लामा र रामकृष्ण चित्रकार छन् भने समर्थकमा कुन्दनराज काफ्ले र रामकुमार पहाडी रहेका छन्। इन्द्र बानियाँको उम्मेदवारी भने यांकिला शेर्पाको प्रस्तावमा र कृष्णकुमार तामाङको समर्थनमा दर्ता गरिएको छ। निर्वाचन समितिका संयोजक हरिशरण श्रेष्ठका अनुसार उम्मेदवारी दर्ता कार्यक्रम बुधबार बिहान ११ बजे सम्पन्न भएको हो। प्रारम्भिक नामावली ११:३० बजे सार्वजनिक हुने छ भने उम्मेदवारी फिर्ता लिन दिउँसो १२ बजेसम्म समय दिइएको छ। अन्तिम नामावली दिउँसो १ बजे प्रकाशित…

हेटौंडा । बागमती प्रदेश श्रम, रोजगार तथा यातायात मन्त्रालयको आयोजनामा श्रम सल्लाहकार परिषद्को पहिलो बैठक तथा परिचयात्मक अन्तर्क्रिया कार्यक्रम हेटौंडामा सम्पन्न भएको छ। बैठकको अध्यक्षता श्रम, रोजगार तथा यातायात मन्त्री प्रेमभक्त महर्जनले गरेका थिए। बैठकमा बालश्रम निवारण रणनीतिक योजनाको मस्यौदा, पाँच वर्षे रणनीतिक योजना, र प्रदेश श्रम तथा रोजगार नीति लगायतका विषयमा गहन छलफल गरिएको थियो। साथै आगामी आर्थिक वर्षका लागि श्रम तथा रोजगार क्षेत्रलाई लक्षित गर्दै विनियोजन गरिएको बजेट तथा योजनाहरूको पनि समिक्षा गरिएको थियो। मन्त्री महर्जनले आगामी वर्षमा यातायात क्षेत्रमा रोजगारी विस्तार, डिजिटल मार्केटिङ र आइटी तालिम, महिला चालकको प्रोत्साहन र सम्मान कार्यक्रम जस्ता पहलहरूको घोषणा गरे। उनले…