समाचार

मकवानपुर । बागमती प्रदेशको मुख्य न्यायधिवक्तामा शुकदेव काफ्ले नियुक्त हुनु भएको छ । बागमती प्रदेश, दोलखा जिल्ला तामाकोशी गाउँपालिका वडा नम्बर ३ निवासी काफ्लेलाई आइतबार प्रदेश प्रमुख माननीय दीपक प्रसाद देवकोटाले बामगती प्रदेशको मुख्य न्यायाधिवक्ता पदमा नियुक्त गर्नुभएको हो । नेपालको संविधानको धारा १६० उपधारा (२) बमोजिम प्रदेशका माननीय मुख्यमन्त्री बहादुर सिंह लामाका सिफारिसमा काफ्लेलाई मुख्य न्यायाधिवक्ता पदमा नियुक्त गरिएको प्रदेश प्रमुख कार्यालयका सूचना अधिकारी प्रकाश चापागाईंले बताउनु भयो । २५ वर्षदेखी निरन्तर कानून व्यवसायीको रुपमा कार्य गर्दै आउनुभएका काफ्लेले यसअघि पूर्व कानून तथा न्यायमन्त्री भीम बहादुर तामाङ र पूर्व महिला तथा समाज कल्याण मन्त्री लिला कोइरालाको सल्लाहकार भएर समेत…

मकवानपुर । तामाङ पत्रकार संघ मकवानपुरको अध्यक्षमा पूनः जयराम मोक्तान सर्वसम्मत चयन भएका छन् । संघको चौथो भेलाले मोक्तानको नेतृत्वमा ११ सदस्यीय कार्यसमिति सर्वसम्मत चयन गरेको हो । कार्यसमितिको उपाध्यक्षमा सन्देश थिङ, सचिवमा भुवन घलान, सहसचिवमा रविन्द्र वाईबा र कोषाध्यक्षमा जमुना थिङलाई सर्वसम्मत चयन गरिएको छ । सदस्यहरुमा अन्जना लामा, संशान्त तामाङ, विवेक वाईबा र छोइसाङ सिन्तानलाई चयन गरिएको छ । दुई जनालाई भने कार्यसमितिको बैठकले सदस्यमा मनोनित गर्ने जनाएको छ । साथै सोही अवसरमा ३० औं तामाङ प्रशारण दिवस मनाइएको छ । नेपालमा पहिलो पटक रेडियो नेपालबाट तामाङ भाषामा समाचार प्रसारण भएको दिनको अवसरमा तामाङ प्रसारण दिवस मनाईदै आएको…

मकवानपुर । हेटौंडा उपमहानगरपालिका कार्यालय र मकवानपुर उद्योग बाणिज्य संघबिच वृद्धि भएको कर रकम घटाउने सहमती भएको छ । शुक्रबार आन्दोलनरत व्यवसायी र उपमहानगरपालिकाबिच वार्ताबाट कर रकम घटाउनेसहितका ८ बुँदे सहमति गरिएको हो । नगर सभाको निर्णयबाट मात्र कर रकम घटाउन सकिने कानूनी व्यवस्था रहेको छ । तर, चालु आर्थिक वर्षको साउन १ गते देखि साउनको मसान्तसम्म अहिलेकै कानून अनुसार कर रकम बुझाउने नगरवासीहरुको हकमा के गरिन्छ भन्ने कुनै निर्णय भएको छैन । वार्ता सफल भएसँगै आन्दोलनरत व्यवसायीहरुले आन्दोलन स्थगित गरेका छन् । उपमहानगरले गरेको करवृद्धिविरुद्ध मउवा संघ, निर्माण व्यवसायी संघ, होटल एशोसिएसन तथा विभिन्न वस्तुगतसंघले आह्वान गरेको आन्दोलनमा उपमहानगरले…

मकवानपुर । नेकपा एकिकृत समाजवादी पार्टीको हेटौंडा नगर कमिटीको पदाधिकारी बैठकले १९ वटै वडामा कमिटि गठन तथा पुनर्गठन गर्ने निर्णय गरेको छ । हेटौंडा ४ शितल महल चोकमा रहेको पार्टी कार्यालयमा बिहीबार बसेको बैठकले १९ वटै वडाका एक–एक जनालाई समेटेर १९ सदस्यीय सचिवालय निर्माण गर्ने निर्णय समेत गरेको छ । बैठकले अनेरास्ववियु र युवा तथा खेलकुद विभाग निर्माण गर्ने समेत निर्णय गरेको छ । पार्टी नगर कमिटी उपाध्यक्ष तारा लामा ढुंगानाको अध्यक्षतामा बसेको बैठकले नगरको प्रत्येक वडामा भेला, बैठक गरी आफ्नो गतिविधि अघि बढाउने निर्णय गरेको छ । बैठकमा जिल्ला अध्यक्ष बिष्णु दाहाल, नेता धुर्व भुजेल, कबिन पन्त, ज्ञानेन्द्र देवकोटा,…

मकवानपुर । नेकपा एमालेबाट निर्वाचित जनप्रतिनिधिले हेटौंडा उपमहानगरपालिकाको विशेष नगर सभा राख्न माग गरेका छन् । राजश्व दरमा अस्वभाविक बृद्धि गरेको विषयप्रति विरोध जनाउँदै बुधबार नेकपा एमालेका जनप्रतिनिधिहरूले विशेष अधिवेशनको माग सहित प्रमुख प्रशासकिय अधिकृत मार्फत् नगर प्रमुख र उपप्रमुखलाई निवेदन पेश गरेका हुन् । उपमहानगरले चालू आर्थिक वर्षमा करको दरमा अस्वभाविक बृद्धि गरेपछि संशोधन गर्नुपर्ने एजेन्डासहित विशेष नगर सभाको माग गरिएको हो । विशेष नगर सभा माग पछिको पत्रकार सम्मेलनमा बोल्दै वडा नम्बर ४ का वडा अध्यक्ष नवीन सिग्देलले नेपालको संविधान, स्थानीय सरकार सञ्चालन ऐन २०७४, बागमती प्रदेश सरकारको गाउँ, नगर र जिल्लासभा सञ्चालन कार्यविधि र हेटौंडा उपमहानगरपालिकाको नगर…

मकवानपुर । राजश्व वृद्धिको निर्णयविरुद्ध मकवानपुर उद्योग वाणिज्य संघको अगुवाइमा व्यवसायीले आज हेटौँडा उपमहानगरपालिकाको गेटमा धर्ना दिएका छन् । व्यवसायीले पहिलो चरणको आन्दोलनअन्तर्गत आज तेस्रो दिन बुधबार बिहान १० बजेदेखि ११ बजेसम्म धर्ना दिएका हुन् । मकवानपुर उद्योग वाणिज्य संघको भवन हेटौँडा–२ बाट र्‍यालीसहित उपमहानगरपालिकाको गेटसम्म पुगेका सयौँ व्यवसायीले उपमहानगरपालिकाले वृद्धि गरेको कर खारेज गर्नुपर्ने माग राखेका छन् । विज्ञापान करसहितका अन्य करको दायरा १५० प्रतिशतसम्म बढाएको भन्दै उत्त कर बढाउने निर्णय खारेज नगरेसम्म आफूहरू आन्दोलित हुने मकवानपुर उद्योग वाणिज्य संघका अध्यक्ष कृष्ण गुप्ता अग्रवालले बताए । व्यवसायीको आन्दोलनलाई मकवानपुर उद्योग वाणिज्य संघ मातहतको १८ भन्दा बढी बस्तुगत संघहरुले ऐक्यवद्धता…

मकवानपुर । हेटौंडा उपमहानगरपालिका वडा नम्बर ७ बालमैत्री स्थानीय शासनयुक्त वडा घोषणा हुने भएको छ । वडालाई शनिबार बालमैत्री स्थानीय शासनयुक्त वडा घोषणा गर्न लागिएको हो । बालमैत्री घोषणा कार्यक्रम शनिबार बिहान १० बजे वडा कार्यालयबाट प्रभातफेरी गरी नवज्योति माविको प्राङ्गणमा हुने जनाइएको छ । हेटौंडा–७ का वडाध्यक्ष एवम् बालमैत्री स्थानीय शासनयुक्त वडा घोषणा मुल समारोह समितिका संयोजक दामोदर खनालले वडाले बालमैत्री घोषणाका लागि आवश्यक ५१ सूचकमध्ये ४६ वटा सूचक सतप्रतिशत पूरा गरेको बताएका छन् । मंगलबार भएको पत्रकार सम्मेलनमा बोल्दै वडाअध्यक्ष खनालले अब केही प्रतिशतमात्र सुचकहरु पूरा हुन बाँकी भएकोले वडाले हालसम्म ५१ वटा सूचकमा ९९.७३ प्रतिशत नतिजा हासिल…

मकवानपुर । पशु सेवा कार्यालय मकवानपुरले चालु आर्थिक वर्षको कार्ययोजना सार्वजनिक गरेको छ । सोमबार कार्यालयमा आयोजित सरोकारवाला निकायहरुको उपस्थितीमा वार्षिक कार्यक्रम सार्वजनिकीकरण गोष्ठीको आयोजना गरेको हो । चालु आर्थिक वर्षमा पशुपन्छी तथा मत्स्य विकासका लागि पशु सेवा कार्यालयले विभिन्न योजनाहरु बनाएको बताइएको छ । जसमा पशुपन्छी तथा मत्स्यजन्य पदार्थ उपभोग प्रवद्र्धन कार्यक्रम, पशु आहारा आत्मानिर्भर कार्यक्रम तथा बंगुर प्रवद्र्धन कार्यक्रमका लागि आवश्यक बजेट विनियोजन गरिएको कार्यालयले जनाएको छ भने बाख्रा पालन प्रवद्र्धन कार्यक्रमका लागि ५ लाख रुपैंया बजेट विनियोजन गरिएको बताइएको छ । कार्यक्रममा उपस्थित सरोकारवाला निकायहरुले कार्यालयले गर्ने कामहरुमा पारदर्शीता र वास्तविक किसान लक्षित हुनपर्ने बताएका थिए ।…

मकवानपुर । हेटौंडामा आयोजित ‘मानव बेचबिखन अन्त्यको लागि विषयगत प्रादेशिक संवाद कार्यक्रम’ सप्पन्न भएको छ । रुरल हेल्थ एन्ड एजुकेसन सर्भिस ट्रष्ट (आर.एच.इ.एस.टी.) काठमाडौँको आयोजना र महिला तथा बालबालिका सरोकार केन्द्र हेटौंडा, चान्स फोर चेन्ज संस्थाको साझेदारीमा कार्यक्रम भएको हो । मानव अधिकारको क्षेत्रमा सरोकारवालाहरुले काम गरिरहेको तर काम गर्न भने त्यति सहज नभएको कार्यक्रमका वक्ताहरूले बताएका थिए । जिल्ला समन्वय समिति मकवानपुरको कार्यालयमा भएको एकदिने कार्यक्रममा हेममाया गुरुङले सहजिकरण गरेकी थिइन् । कार्यक्रममा सामाजिक विकास मन्त्रालयका सामाजिक विकास महाशाखा प्रमुख चन्द्रकुमारी व्यन्जन्कार, हेटौंडा उपमहानगरपालिका कार्यपालिका कार्यालयका सामाजिक विकास महाशाखा प्रमुख भिमप्रसाद तिमल्सिना, राष्ट्रिय मानव अधिकार आयोगका उपसचिव पवनकुमार भट्ट,…

मकवानपुर । मकवानपुरको २ पालिकाबाट ४ जना व्यक्तिहरु लागुऔँषधसहित पक्राउ परेका छन् । मकवानपुरको थाहा नगरपालिका र हेटौँडा उपमहानगरपालिकाबाट २–२ जना गरी ४ जना पक्राउ परेका हुन् । थाहा नगरपालिका वडा नम्बर ३ सिखरकोट बजारबाट अवैध लागूऔषध चरेश जस्तो देखिने पदार्थ ६ किलोग्राम सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा भारत सितामडी–९ बराह बस्ने ४५ वर्षीय सुदिर सिंह र सितामडी–८ बराही चिन्तामन बस्ने ६८ वर्षीया रेनु देवी चौधरी रहेका छन् । इलाका प्रहरी कार्यालय पालुङबाट खटिएको प्रहरीले ना।४ ख ४५६७ नम्बरको बसमा सवार उनीहरूलाई उक्त पदार्थ सहित पक्राउ गरेको हो । यसैगरी हेटौंडा उपमहानगरपालिका–१९ नेवारपानीबाट…