जी. न्यौपाने

मकवानपुर । मकवानपुरको हेटौंडा उपमहानगरपालिका १६ नम्बर वडा कार्यालयले कक्षा ११ मा पढ्ने विज्ञान संकायका विद्यार्थीहरुलाइ पूर्ण छात्रवृत्ति प्रदान गर्ने भएको छ । छात्रवृत्ति सुविधा प्राप्त गर्न चाहने विद्यार्थी १६ नम्बर वडाबासी हुनुपर्ने बताइएको छ । हटियाको जनप्रिय मा. बि. मा अध्यन गर्ने विद्यार्थीहरुको लागि यो ब्यवस्था गरिएको हो । शिक्षामा लगानी गरेको खेर नजाने भएकोले छात्रवृत्तिको अवधारणा ल्याइएको वडाध्यक्ष रामकृष्ण कोर्इरालाले बताए । वडालाइ शिक्षामैत्री र कृषि मैत्री बनाउने र नमूना वडाको रुपमा स्थापित गर्ने उदेश्य रहेको वडाअध्यक्ष कोइराला बताउँछन । यो योजना यही आर्थिक वर्षदेखि लागुहुने भएकोले विद्यार्थीहरुलाइ वडामा सम्पर्क गर्न अनुरोध गरिएको वडासचिव दुर्गाप्रसाद न्यौपानेले जानकारी दिए…