मकवानपुर । हेटौँडा उपमहानगरपालिका वडा नम्बर १२ दोस्रो टोल विकास स्तरीय नकआउट फुटबल प्रतियोगितामा आज २ खेलहरु हुँदैछन् । आयोजक ऋषेश्वर टोल विकास संस्थाका अनुसार आज दिउँसो १ बजे पहिलो खेल र ३ बजे दोस्रो खेल हुनेछ ।
दिउँसो १ बजे हुने पहिलो खेलमा ऋषेश्वर टोल विकास संस्था (बी) र झोलुङ्गे पुल टोल विकास संस्थाबिच प्रतिस्पर्धा हुनेछ ।
त्यस्तै दिउँसो ३ बजे हुने खेलमा परिवर्तनशिल टोल विकास संस्था (बी) र आँपधाप टोल विकास संस्थाबिच प्रतिस्पर्धा हुनेछ । खेल रियल स्टार खेल मैदान रमन्टारमा हुँदैछ । टोल विकास संस्थाको तर्फबाट आयुष थापा मगर र साजन पाख्रिनले खेलको संयोजन गर्दैछन् ।
२०८१ कात्तिक ८ गतेदेखि सुरु भएको खेलमा २० वटा टिमहरुको सहभागिता रहेको छ । १२ नम्बर वडा कार्यालयको प्रायोजनमा भएको खेलको विजेताले नगद २५ हजारसहित शिल्ड, मेडल र प्रमाणपत्र प्राप्त गर्नेछ भने उपविजेताले नगद १७ हजार सहित शिल्ड, मेडल र प्रमाणपत्र प्राप्त गर्नेछ ।
