Day: २०८३ असार २३, मंगलवार १२:२९ गते

हेटौँडा । वातावरण र मानव अधिकार’ विषयक एकदिवसीय अन्तरक्रिया कार्यक्रम सम्पन्न भएको छ। अनौपचारिक क्षेत्र सेवा केन्द्र (इन्सेक) बागमती प्रदेशको आयोजनामा आयोजित उक्त कार्यक्रममा वातावरण संरक्षण र मानव अधिकारको अन्तरसम्बन्धका बारेमा व्यापक छलफल गरिएको छ। कार्यक्रममा जलवायु परिवर्तन र त्यसका असरहरू, वन्यजन्तु र मानवबीचको द्वन्द्व व्यवस्थापन, वातावरणलाई हरित बनाउने उपाय तथा योसँग सम्बन्धित नीति–नियम, कानुन र तिनको कार्यान्वयनका पक्षबारे छलफल गरिएको थियो। इन्सेक बागमती प्रदेश संयोजक शिवप्रसाद खकुरेलको सभाध्यक्षतामा सम्पन्न कार्यक्रममा हेटौँडा उपमहानगरपालिकाकी नगरप्रमुख मीनाकुमारी लामा प्रमुख अतिथिको रूपमा उपस्थित हुनुहुन्थ्यो। प्रमुख अतिथि लामाले वातावरण संरक्षण गर्नु हरेक नागरिकको साझा दायित्व रहेको बताउनुभयो। त्यसैगरी, विशिष्ट अतिथि एवं प्रमुख जिल्ला अधिकारी…