Day: २०८३ असार १२, शुक्रबार १९:०७ गते

मकवानपुर । मकवानपुर महिला उत्थान समाजको आयोजनामा हेटौँडामा अनौपचारिक क्षेत्रका श्रमिकहरूको पेसागत जोखिम र सुरक्षाका विषयमा ‘श्रम सुनुवाइ’ कार्यक्रम सम्पन्न भएको छ। कार्यक्रममा विशेषगरी मनहरी गाउँपालिकामा कार्यरत श्रमिकहरूले भोग्नुपरेका स्वास्थ्य सुरक्षा, पारिश्रमिक र कार्यस्थलको असुरक्षाजस्ता जटिल समस्याहरूमाथि सरोकारवाला निकायका प्रतिनिधिहरूसँग प्रत्यक्ष छलफल गरिएको थियो। कार्यक्रममा मनहरी–५ की मीरा घलानले श्रमिकहरूले ज्यान जोखिममा राखेर काम गर्नुपरेको तीतो यथार्थ प्रस्तुत गर्नुभयो। पन्जा, बुट र सावेलजस्ता सामान्य सुरक्षाका औजारसमेत पर्याप्त नभएको, ठेकेदार, पालिका र इन्जिनियरको फरक–फरक निर्देशनले काममा अन्योल र विवाद हुने गरेको, स्वास्थ्य बिमाको सुविधा नपाएको र ज्याला भुक्तानीमा ढिलासुस्ती हुने गरेको जस्ता गम्भीर समस्या उहाँले औंल्याउनुभयो। छलफलमा मनहरी गाउँपालिकाकी रोजगार संयोजक…