Day: २०८२ फाल्गुन २२, शुक्रबार १४:०३ गते

हेटौंडा । मकवानपुरका दुवै प्रतिनिधिसभा निर्वाचन क्षेत्रको मतगणना सुरु भएको छ। मुख्य निर्वाचन अधिकृतको कार्यालयका अनुसार क्षेत्र नम्बर २ को मतगणना मनहरी गाउँपालिका–९ स्थित ऋषेश्वर आधारभूत विद्यालयको मतपेटिकाबाट सुरु गरिएको हो। उक्त क्षेत्रको मतगणना हेटौंडा–४ मा रहेको भुटनदेवी माध्यमिक विद्यालयमा भइरहेको छ। मतदान सम्पन्न भएपछि विभिन्न मतदान केन्द्रबाट मतपेटिका संकलन गरी सुरक्षित रूपमा मतगणना स्थलमा ल्याइएपछि आजदेखि औपचारिक रूपमा मतगणना प्रक्रिया सुरु गरिएको हो। निर्वाचन कार्यालयका अनुसार मतगणनालाई व्यवस्थित र पारदर्शी बनाउन आवश्यक सुरक्षा व्यवस्था मिलाइएको छ।

हेटौँडा । मकवानपुरका दुवै प्रतिनिधिसभा निर्वाचन क्षेत्रको मतगणना सुरु भएको छ। आइतबार सम्पन्न मतदानपछि मतदान केन्द्रहरूबाट मतपेटिका संकलन गरी मतगणनास्थलमा ल्याइए पनि आवश्यक तयारीका कारण आज केही ढिलो गरी गणना प्रक्रिया सुरु गरिएको हो। मुख्य निर्वाचन अधिकृतको कार्यालयका अनुसार जिल्लाका सबै मतदान केन्द्रबाट मतपेटिका सुरक्षित रूपमा मतगणनास्थलमा ल्याइसकिएको थियो। त्यसपछि सर्वदलीय बैठक, व्यवस्थापन र प्राविधिक तयारी पूरा गरी आज दिउँसोबाट मतगणना सुरु गरिएको जनाइएको छ। मतगणना प्रक्रिया पारदर्शी र व्यवस्थित बनाउन तारजालीसहितको गणना कक्ष, सीसीटिभी निगरानी तथा सुरक्षाकर्मीको कडा व्यवस्था मिलाइएको निर्वाचन कार्यालयले जनाएको छ। प्रत्येक वडाको मतपेटिका छुट्टाछुट्टै खोली गणना गर्ने व्यवस्था गरिएको छ। जिल्लाका दुवै प्रतिनिधिसभा निर्वाचन क्षेत्रको…