Day: २०८२ भाद्र १०, मंगलवार २२:१३ गते

मकवानपुर । हरितालिका तीजको अवसरमा हेटौंडा–४ स्थित पशुपति मन्दिर परिसरमा महिला दिदीबहिनीहरूको स्वास्थ्य सुरक्षालाई ध्यानमा राख्दै राष्ट्रिय स्वास्थ्यकर्मी महासंघ नेपाल मकवानपुरले मंगलबार विशेष हेल्थ डेस्क सञ्चालन गरेको छ। तीजको ब्रत बसेर पूजाआजा गर्न आउने महिलाहरूलाई लक्षित गरी राखिएको सो डेस्कमार्फत रक्तचाप जाँच, सामान्य स्वास्थ्य परामर्शलगायत स्वास्थ्य सेवा प्रदान गरिएको थियो। आयोजक संस्थाले महिलाहरू लामो समय ब्रत बसेर व्रतपूजा गर्ने क्रममा हुने स्वास्थ्य समस्या न्यूनिकरण गर्ने उद्देश्यले यस्तो कार्यक्रम आयोजना गरिएको जनाएको छ।