२०८२ जेष्ठ ४, आईतवार २२:१० गते
२०८२ जेष्ठ ४, आईतवार २२:१० गते
मकवानपुर । बकैया गाउँपालिका–७ मामदमारमा अवस्थित ज्ञान प्राप्त प्राथमिक विद्यालयका कक्षा १ देखि ५ सम्म अध्ययनरत विद्यार्थीहरूलाई शैक्षिक सामग्री वितरण गरिएको छ। मकवानपुरको शैक्षिक क्षेत्रमा सक्रिय संस्था ग्रामीण असहाय बालबालिका पुनःस्थापना केन्द्र, हेटौंडाद्वारा शैक्षिक सामग्री वितरण गरिएको हो। संस्थाले विद्यार्थीहरूलाई कापी, कलम, विद्यालय पोशाक र झोला वितरण गरेको हो। शैक्षिक सामग्री प्राप्त गरेपछि विद्यार्थीहरू निकै उत्साहित र खुसी देखिएको विद्यालयकी शिक्षिका नविना शर्माले सामाजिक सञ्जालमार्फत जानकारी दिनुभएको छ । “विद्यार्थीहरूको अनुहारमा देखिएको खुसी हामी सबैका लागि प्रेरणादायक छ,” शिक्षिका शर्माले भन्नुभयो। उहाँका अनुसार यस प्रकारको सहयोगले विद्यार्थीहरूको पठनपाठनमा थप प्रेरणा मिल्नेछ।
