हेटौंडा । हेटौंडामा ३० दिने एड्भान्स ढाका बुनाइ तालिम सम्बन्धि सीपमुलक तालिम र २१ दिने वारिष्टा सम्बन्धि सीपमुलक तालिमको समुद्घाटन भएको छ।
मंगलबारबाट “सीप सिकौं, उद्यमि बनौं” भन्ने नाराको साथ जाल्पादेवी महिला उद्यमि केन्द्रको आयोजना तथा बागमती प्रदेश सरकार उद्योग, वाणिज्य भुमी तथा प्रशासन मन्त्रालय, उद्योग वाणिज्य तथा उपभोक्ता हित संरक्षण निर्देशनालय, उद्योग तथा वाणिज्य कार्यालयको आर्थिक सहयोग सहयोगमा उक्त तालिम सुरु भएको हो।
उद्योग तथा वाणिज्य कार्यालय प्रमुख रामप्रसाद भुसालको प्रमुख भुसालको सभाध्यक्षता तथा हेटौंडा उपमहानगरपालिका १० नम्बर वडा अध्यक्ष फुर्वा दोर्जी लामाको प्रमुख आतिथ्यतामा समुद्घाटन कार्यक्रम भएको हो।
कार्यक्रममा बोल्दै १० नम्बर वडा अध्यक्ष लामाले हामी जनताहरुले तिरेको करको रकमबाट तालिम दिन लागेकोले बताए । साथै यसको सदुपयोग गर्न सहभागीहरुलाई आग्रह गरे। वडा अध्यक्ष लामाले हामी दक्ष भएर लाग्यौं भने नेपालमै अवसर रहेको भन्दै मेहनत गर्न युवालाई हौसला प्रदान गरेका थिए। उनले ढाकालाई सिकेर व्यवसायी बन्न सहभागीलाई आग्रह गरे।
ढाका बुन्ने २० जना र वारिष्टा सम्बन्धि तालिममा ३० जना गरि ५० जना तालिममा सहभागी रहेको जाल्पादेवी महिला उद्यमि केन्द्र अध्यक्ष गिता मैनालीले जानकारी दिइन् ।
