Day: २०८३ जेष्ठ २०, बुधबार १२:२२ गते

हेटौँडा । “सचेत नागरिक, स्वस्थ समाज, लागुऔषधविरुद्धको ३ महिने अभियान” अन्तर्गत आयोजित युवा बहस तथा सचेतना कार्यक्रमको समापन गरिएको छ। सियान रिह्याबिलिटेसन सेन्टरको व्यवस्थापन र जिल्ला प्रशासन कार्यालय, मकवानपुरको आयोजनामा उक्त कार्यक्रम सम्पन्न भएको हो। सियान रिह्याबिलिटेसन सेन्टर हेटौँडा-९ का अध्यक्ष मन क्षेत्रीको सभाध्यक्षता तथा प्रमुख जिल्ला अधिकारी वसन्त अधिकारीको प्रमुख आतिथ्यतामा कार्यक्रम सम्पन्न भएको थियो। कार्यक्रममा बोल्दै प्रमुख जिल्ला अधिकारी अधिकारीले नेपालमा तीव्र गतिमा लागुऔषध प्रयोगकर्ता बढिरहेकामा चिन्ता व्यक्त गर्नुभयो। उहाँका अनुसार, नेपालमा हाल १ लाख ३० हजार ४ सय २४ जना लागुऔषध प्रयोगकर्ता रहेका छन्। नेपाल सरकारले सन् २०३० सम्ममा यो संख्या आधा घटाउने लक्ष्य लिएको उहाँले जानकारी…

हेटौँडा । ५४ औँ विश्व वातावरण दिवसका अवसरमा हेटौँडा उपमहानगरपालिका-१ स्थित पाथीभरा मन्दिर जाने बाटोमा वृक्षारोपण कार्यक्रम सम्पन्न भएको छ। टोल विकास संस्था नगर समन्वय समिति, हेटौँडा उपमहानगरपालिकाको आयोजना तथा टोल विकास संस्था वडा समन्वय समिति, हेटौँडा-११ को समन्वयमा उक्त कार्यक्रम सञ्चालन गरिएको हो। वातावरण संरक्षण र हरियाली प्रवर्द्धन गर्ने उद्देश्यले आयोजित कार्यक्रममा स्थानीय जनप्रतिनिधि, विभिन्न टोल विकास संस्थाका प्रतिनिधि, सामाजिक अभियन्ता र स्थानीयवासीहरूको सहभागिता रहेको थियो। सहभागीहरूले मन्दिर जाने बाटोको दायाँ-बायाँ विभिन्न प्रजातिका बिरुवाहरू रोपेका थिए। कार्यक्रममा बोल्दै समन्वय समितिका प्रतिनिधिहरूले वातावरण दिवस केवल औपचारिकतामा मात्र सीमित नराखी, रोपिएका बिरुवाहरूको संरक्षणमा पनि उत्तिकै ध्यान दिनुपर्नेमा जोड दिएका थिए।

हेटौँडा । मकवानपुरको आग्रा, भोर्लेमा जन्मिएका गणेशबहादुर विश्वकर्मा ८२ वर्षको उमेरमा पनि निरन्तर आफ्नो कर्ममा सक्रिय हुनुहुन्छ। ८ दशक नाघिसक्दा पनि उहाँको कामप्रतिको लगाव युवापुस्ताका लागि प्रेरणाको स्रोत बनेको छ। कृष्णबहादुर र तुलसी विश्वकर्माका जेठा सन्तानका रूपमा जन्मिनुभएका विश्वकर्मा अहिले पनि हेटौँडा-११, सिमल्टारस्थित आफ्नै घरको आरनमा हँसिया, कचिया, तरबार, बन्चरो, कोदालो, चुलेसी र खुकुरीलगायतका औजारहरू आफैँ बनाउनुहुन्छ। 'रसैली बा' का नामले परिचित उहाँले केही समयअघि ढलौट, पित्तलका गाग्री र सिल्भरका कढाई बनाउने कारखानासमेत सञ्चालन गरी २० जनालाई रोजगारी दिनुभएको थियो। उहाँले सिकाएको सीपबाट धेरैले अहिले पनि रोजगारी गरिरहेका छन्। परम्परागत आरन पेसालाई फोहोरी काम भन्दै धेरैले छाडेकोमा उहाँलाई चिन्ता लाग्छ।…