Day: २०८१ चैत्र ५, मंगलवार १५:३३ गते

हेटौँडा । हेटौंडाको मनहरी गाउँपालिकामा पर्ने हाँडिखोलाको ट्वाङ्ग्राखोला मुसिधापमा बसोबास गर्दै आएका संरक्षित जाति बनकरियाहरुलाई बसोबासको चिन्ताले सताउन थालेको छ । नेपाल सरकारले मुसिधापमा कबुलियत बनको रुपमा २० वर्षको लागि बसोबास गर्न दिएको कागजको सम्झौता विक्रम सम्वत २०८२ साल बैशाखदेखि सकिँदैछ । लोपोन्मुख जाति बनकरियाको मकवानपुर जिल्लाको मनहरी गाउँपालिका स्थित ट्वाङ्ग्राखोला मुसिधापमा २५ घरधुरी छ । मकवानपुर जिल्ला बाहेक नेपालको अरु कुनै पनि जिल्लामा यो जातिको बसोबास नरहेको जानकारहरु दाबी गर्छन् । बनमै बस्ने, बनको कन्दमुल खाएर बाँच्ने बनकरियालाई नेपाल सरकारले संरक्षण गर्नुपर्ने लोपोन्मुख जातिको सुचिमा राखेको छ । शहर वरपरका ऐलानी जग्गाहरुमा हुनेखानेले कब्जा जमाएको र गैर नेपालीले समेत…